މިއަދު މެންދުރު ހިނގި މި ހާދިސާގައި ކުލަ ފާޓާތައް ވެއްޓިފައިވަނީ އެ ޕިކަޕު ހުޅުމާލެއިން ބްރިޖު ހުރަސްކޮށް މާލެ އަރާ ސެނަހިޔާ ހުންނަ މަގަށް އަނބުރާލި ވަގުތުއެވެ. ޓަޕުތައް ވެއްޓި މުޅި މަގުގައި އޮތީ ހުދުކުލަ ލެވިފައެވެ. ކުލަ ޓައްޕުތައް ވެއްޓުމުން ޕިކަޕްގައި ތިބި މީހުން މަގަށް ފައިވާ އެ ކުލަތައް ނެގުމުގެ މަސައްކަތް އޭރު ކުރިއެވެ.
މަގުމަތީގައި އޮތް ކުލަތައް އެންމެފަހުން ސާފުކުރީ ސިފައިންގެ ފަޔާ އެންޑް ރެސްކިއު ޓީމު ނުކުމެއެވެ. އެޓީމުން ވަނީ މަގުމައްޗަށް ފެން ޖަހާ ކުލަތައް ސާފުކޮށްފައެވެ.
މަގުމައްޗަށް އެޅުނު ކުލަތައް ސިފައިން ދޮންނަނީ
މަންޒަރު ދުށް މީހުން ބުނީ އެ ޕިކަޕުން ސަޅީހަކަށް ކުލަ ޓައްޕު މަގުމައްޗަށް ވެއްޓުނުކަމަށެވެ. އޭގެތެރެއިން އެއްބައި ތަކެތި ފަޅައިގެންދިޔައިރު އަނެއްބައި ތަކެތި ފުރޮޅުމުން މަގުގެ އެކޮޅުން އަނެއްކޮޅަށް ދިޔަކަމަށްވެސް މީހުން ބުނެއެވެ.
