މިދިޔަ އަހަރުގެ ސެޕްޓެމްބަރު މަހުގެ 4 ވަނަ ދުވަހު މާލޭގައި ނުރައްކާތެރި ހަތިޔާރު ބޭނުންކޮށްގެން މާރާމާރީ ހިންގާފައިވާ މައްސަލައަކާ ގުޅިގެން ހައްޔަރުކުރީ މ. މަސްކޮތަން އުމުރުން 19 އަހަރުގެ މުހައްމަދު ސިބްތް އަބްދުﷲ އާއި ހ. ދޮންތުނޑި އުމުރުން 26 އަހަރުގެ މުހައްމަދު އަހްސަމް އަދި ލ. ގަން/ މުކުރިމަގު އުމުރުން 28 އަހަރުގެ އަސްވާނު މުހައްމަދުއެވެ. މީގެ ތެރެއިން މުހައްމަދު ސިބްތް އަބްދުއަދި މުހައްމަދު އަހްސަމް ޝަރީއަތް ނިމެންދެން މިހާރު ބަންދު ޖަހާފައިވާއިރު، އަނެއް މީހާވަނީ ކުރިން ދޫކޮށްލާފައެވެ.
ފުލުހުން ވިދާޅުވި ގޮތުގައި މި ތިން މީހުން ވަނީ މާރާމާރީ ހިންގުމަށްފަހު ރާއްޖޭން ބޭރަށް ފިލައިގެން ގޮސްފައެވެ. އަދި އެ މީހުން އަތުލައިގެންފައިވަނީ ތައިލެންޑުން ޑިޕޯޓުކޮށްލުމާ ގުޅިގެން މިދިޔަ މަހުގެ 18 އަދި 19 ވަނަ ދުވަހު ރާއްޖެ އައުމުން ވެލާނާ އިންޓަރނޭޝަނަލް އެއަރޕޯޓުންނެވެ.
މި މީހުންނާ ދެކޮޅަށް އަންނަ ހަފްތާގައި ދައުވާ ކުރާނެ ކަމަށްވަނީ މައުލޫމާތު ލިބިފައެވެ.
