އައިލެންޑް އޭވިއޭޝަނުން ބުނީ މިހާރު އެއަރޕޯޓު ހުޅުވާލުމާ އެކު ޖަނަވަރީ 10 އާ ހަމައަށް 100 ޕްރައިވެޓް ޖެޓު ޖައްސާނެ ކަމަށް ލަފާކުރެވޭ ކަމަށެވެ. އެއަރޕޯޓުގެ ރަންވޭ 650 މީޓަރު އިތުރުކޮށް، ޖުމުލަ ދިގުމިން 2800 މީޓަރަށް ބޮޑުކޮށްފައިވާ ކަމަށް އެ ކުންފުނިން ބުންޏެވެ.
މިހާރު ކުރަމުންދާ މަސައްކަތްތަކުގެ ތެރޭގައި އޭޕްރަން ބޮޑުކުރުމުގެ މަސައްކަތް ހިމެނެ އެވެ. އެމްޓީސީސީ އާ ހަވާލުކޮށްގެން ކުރިއަށްދާ އެ މަސައްކަތް އަންނަ މަހު ނިމޭނެ ކަމަށް އައިލެންޑް އޭވިއޭޝަނުން ބުނެފައިވެ އެވެ. މި މަސައްކަތް ނިމުމުން އެއްފަހަރާ 26 ޖެޓު ޕާކުކުރެވޭނެ އެވެ.
މިދިޔަ އަހަރު މާފަރު އެއަރޕޯޓަށް 353 ޕްރައިވެޓް ޖެޓު ޖައްސާފައިވާއިރު، އެއީ 2022 ވަނަ އަހަރަށް ވުރެ 125 ޖެޓުގެ އިތުރުވުމެކެވެ. އަދި މިދިޔަ އަހަރު އެ އެއަރޕޯޓު މެދުވެރިކޮށް 1،934 ޓޫރިސްޓުން ރާއްޖެއަށް އައިސްފައިވާއިރު، 2،082 ޓޫރިސްޓުން ވަނީ ރާއްޖެއިން ފުރާފަ އެވެ.
