މިގޮތުން މަސްތުވާތަކެތި އެންމެ ގިނައިން ބޭނުންކުރަނީ 25 އަހަރާއި 35 އަހަރާ ދެމެދުގެ މީހުންކަމަށް ފުލުހުން ބުނެއެވެ.
ފުލުހުންގެ ޑްރަގް އެންފޯސްމަންޓް ޑިޕާޓްމަންޓުގެ ވެރިޔާ، ސުޕްރިންޓެންޑެންޓް އޮފް ޕޮލިސް ނާހިދު ހުސެއިން ދައުލަތުގެ މީޑިއާ މެދުވެރިކުރައްވައި މި މައުލޫމާތު ހާމަކުރައްވަމުން ވިދާޅުވީ، ދެ ވަނައަށް އެންމެ ގިނައިން މަސްތުވާތަކެތި ބޭނުންކުރަނީ 35 އަހަރާއި 55 އަހަރާ ދެމެދުގެ މީހުންނެވެ. އަދި ތިންވަނައަށް އެންމެ ގިނައީ 18 އަހަރާއި 25 އަހަރާ ދެމެދުގެ މީހުންކަމަށެވެ.
ފާއިތުވި ފަސް އަހަރުގެ ތެރޭގައި ރާއްޖޭގައި 8،355 މީހުން މަސްތުވާތަކެތި ބޭނުންކޮށްފައިވާ ކަމަށް ފުލުހުންގެ ތަފާސް ހިސާބުތަކުން ދައްކައެވެ. މީގެ ތެރޭގައި ހިމެނެނީ 7،961 ފިރިހެނުންނާއި 394 އަންހެނުންނެވެ.
މި މައްސަލަ ހައްލުކުރުމަށް ފުލުހުންގެ ޑްރަގް އެންފޯސްމަންޓް ޑިޕާޓްމަންޓާއި ނެޝަނަލް ޑްރަގް އެޖެންސީން ވަނީ އާ އޮޕަރޭޝަނެއް ފަށައިފަ އެވެ. މި އޮޕަރޭޝަނުގެ ދަށުން މަސްތުވާތަކެތި ބޭނުންކުރާ މީހުން ފަރުވާގެ ނިޒާމަށް ވެއްދުމަށް މަސައްކަތް އަންނަނީކުރަމުންނެވެ.
