މީ ގަވައިދާ ހިލާފަށް އުޅޭ ބީދޭސީން ހޯދުމަށް އިމިގްރޭޝަނުން ހިންގަމުން އަންނަ އޮޕަރޭޝަންތަކުން މާލެއިން ބޭރުގައި ހިންގި ފުރަތަމަ ރެއިޑްއެވެ.
އިމިގްރޭޝަނުން ބުނީ މިދިޔަ ބުރާސްފަތު ދުވަހު ހެނަދުނު 10:30 އިން ހަވީރު 05:30 އަށް ހިންގި މި އޮޕަރޭޝަންގައި ގުރަދީގެ 42 ތަނެއް ބަލާ ފާސްކޮށް 106 ބިދޭސީަކު ބަލާ ޗެކްކޮށްފައިވާކަމަށެވެ. ގުރައަދީގައި ގަވައިދާ ހިލާފަށް ވިޔަފާރިކޮށް މަސައްކަތް ކުރަމުން ދިޔަ 39 ބިދޭސީއަކު ހައްޔަރުކޮށްފައިވާކަމަށް އިމިގްރޭޝަނުން ބުނެއެވެ. އޭގެތެރޭގައި ބަންގްލަދޭޝް، ސްރީލަންކާ، ނޭޕާލް، އިންޑިއާ މީހުންގެ އިތުރުން ނައިޖީރިޔާ މީހަކު ހިމެނޭކަމަށްވެސް އިމިގްރޭޝަނުން ބުނެއެވެ.
ގުރައިދޫގައި ހިންގި އޮޕަރޭޝަންގައި ހައްޔަރުކުރި މީހުން މާލެ ގެންނަނީ
މީގެއިތުރުން ވިސާ ފުރިހަމަ ނޫން 11 މީހަކު އިމިގްރޭޝަނަށް ހާޒިރުވުމަށް އަންގާ ބިދޭސީންނަށް ވަޒީފާ ދިން ފަސް ދިވެއްސަކަށް ލިޔުމުން ނަސޭހަތް ދީފައިވާކަމަށް އިމިގްރޭޝަނުން ބުނެއެވެ.
