ރާއްޖޭގައި ދުއްވާ ޑޮމެއިން ނަންބަރު ޖެހި ސްޕޯޓްސް ކާރެއް: ފޮޓޯ ސުޕަ ކާޒް ފޭސްބުކް
10 މަސް ދުވަހުގެ މަސައްކަތުން ޑޮމެއިން މައްސަލަތަކަށް ހައްލު ލިބިއްޖެ
ގުފްތަގް އަޖީރު
27 އޮކްޓޯބަރ 2024 - 09:21:59
މިދިޔަ 10 މަސް ދުވަހުގެ ތެރޭގައި ކުރި މަސައްކަތުން، ޑޮމެއިން ހިދުމަތުގައި ހުރި މައްސަލަތަކަށް ހައްލު ލިބިފައިވާ ކަމަށް ޓްރާންސްޕޯޓް މިނިސްޓްރީން މިއަދު ބުނެފިއެވެ.
Advertisement
މިދިޔަ އަހަރުގެ އޮގަސްޓް މަހުން ފެށިގެން ހުއްޓާލާފައިވާ މި ހިދުމަތް އަލުން ފެށުމަށް ޓަކައި، އެ މިނިސްޓްރީން ވަނީ ހަރުދަނާ ނިޒާމެއް ގާއިމުކުރުމުގެ މަސައްކަތް ފަށާފައެވެ. މިގޮތުން ރެކޯޑުތައް ބެލެހެއްޓުމާއި މޮނިޓަރ ކުރުމުގެ އާ ނިޒާމެއް ތައާރަފުކުރާނެ ކަމަށް އެ މިނިސްޓްރީން ބުނެއެވެ.
ޒުވާނުންގެ މެދުގައި މަގުބޫލު މި ހިދުމަތް ހުއްޓާލަން ޖެހުނީ ގިނަ މައްސަލަތަކެއް ކުރިމަތިވުމާ ގުޅިގެންނެވެ. އޭގެ ތެރޭގައި ރެކޯޑުތައް ރަނގަޅަށް ބެލެހެއްޓިފައި ނެތުމާއި، ހަރުދަނާ އުސޫލުތަކެއް ނެތުން ހިމެނެއެވެ.
މިނިސްޓްރީން އިތުރަށް ބުނީ، ކުރިއަށް އޮތް ތަނުގައި މި ހިދުމަތް ފެށުމުން އެއްވެސް ފަރާތެއްގެ ހައްގަކަށް އުނިކަމެއް ނާންނާނެ ކަމަށެވެ. އަދި ކުރިމަގުގައި ދިމާވެދާނެ މައްސަލަތައް މަދުކުރުމަށް އަޅަންޖެހޭ ފިޔަވަޅުތައް އަޅާނެ ކަމަށްވެސް އެ މިނިސްޓްރީން ބުނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
