ޕީޖީ އޮފީހުން ބުނީ މި މަހުގެ 20 ވަނަ ދުވަހާ ހަމައަށް ޖިނާއީ މައްސަލަތައް ރިވިއުކުރުމަށް ހުޅުވާލި ފުރުސަތުގައި ޖުމުލަ 539 މައްސަލަ ހުށަހެޅިފައިވާ ކަމަށެވެ. މީގެ ތެރޭގައި ރައީސް ޔާމީންގެ މައްޗަށް ކޮށްފައިވާ ރިޝްވަތާއި މަނީ ލޯންޑްރިންގެ ދައުވާތައް ހިމެނެ އެވެ.
އެމްއެމްޕީއާރުސީ މެދުވެރިކޮށް ފުއްގިރި ކުއްޔަށް ދޫކުރި މައްސަލައިގައި އެއް މިލިއަން ޑޮލަރުގެ ރިޝްވަތު ގަބޫލުކުރެއްވި ކަމަށް ބުނެ ދައުވާކޮށްފައިވާ މައްސަލަ މިހާރު ދަނީ ކްރިމިނަލް ކޯޓުގައި ހިނގަމުންނެވެ. އަދި އާރަށް މައްސަލައިގައި ކުރިން އިއްވި 11 އަހަރުގެ ހުކުމް ހައިކޯޓުން ބާތިލުކުރުމާ ގުޅިގެން، އާ ހެކިތަކާ ގުޅޭ ބައި ދައުލަތުން ވަނީ ސުޕްރީމް ކޯޓުގައި އިސްތިއުނާފު ކޮށްފަ އެވެ.
ނަމަވެސް މިހާތަނަށް ޕީޖީ އޮފީހުން މި މައްސަލަތަކާ މެދު ވަކި ގޮތެއް ނިންމާފައެއް ނުވެ އެވެ. އަދި ސުޕްރީމް ކޯޓުން އާރަށުގެ މައްސަލަ ނިމެންދެން ކްރިމިނަލް ކޯޓުން ވަނީ އެ މައްސަލައިގެ ޝަރީއަތް މަޑުޖައްސާލާފަ އެވެ.
