މީގެ ތެރެއިން ކ. ހިންމަފުށި ފިޔަވައި އެހެން ހުރިހާ ރަށަކަށް ހޯދަނީ އިސް މެޖިސްޓްރޭޓުންނެވެ.
ޖޭއެސްސީން ބުނީ ފަނޑިޔާރުން ހޯދަނީ ހއ. ބާރަށާއި، ނ. މާފަރާއި، ބ. ކެންދޫ އާއި، ބ. ތުޅާދޫ އާއި، ކ. ހިންމަފުށި އާއި، ކ. ކާށިދޫ އާއި ލ. މާވަށާއި، ގދ. ގައްދޫ ކޯޓަށް ކަމަށެވެ.
މި މަގާމުތަކަށް ކުރިމަތިލާ ފަރާތްތަކުގައި ހުންނަންޖެހޭ ޝަރުތުތަކުގެ ތެރޭގައި އުމުރުން 25 އަހަރު ވެފައިވުމާއި، އިސްލާމީ ޝަރީއާ ނުވަތަ ގާނޫނުގެ ދާއިރާއިން ޑިގްރީ ހާސިލްކޮށްފައިވުން ހިމެނެ އެވެ. އަދި ގާނޫނީ ވަކީލުކަން ނުވަތަ ފަނޑިޔާރުކަމުގެ ދެ އަހަރުގެ ތަޖުރިބާ ލިބިފައިވާ ފަރާތަކަށް ވާންޖެހެ އެވެ.
ފަނޑިޔާރުންނަށް މުސާރައިގެ ގޮތުގައި މަހަކު 23،350 ރުފިޔާ ލިބޭނެ އެވެ. އަދި ލިވިން އެލަވަންސްގެ ގޮތުގައި 12،000 ރުފިޔާ އާއި ރިސްކު އެލަވަންސްގެ ގޮތުގައި 1،650 ރުފިޔާ ލިބޭނެ އެވެ. މީގެ އިތުރުން މެޑިކަލް އިންޝުއަރެންސް އާއި ފޯނު އެލަވަންސް ވެސް ލިބޭނެ އެވެ.
ޖޭއެސްސީން ބުނީ މި މަގާމުތަކަށް ޝައުގުވެރިވާ ފަރާތްތަކުން ނޮވެމްބަރު 20 ގެ ކުރިން ފަހިރެސް ޕޯޓަލް މެދުވެރިކޮށް ކުރިމަތިލުމަށް އެދޭ ކަމަށެވެ.
