އިމިގްރޭޝަނުން ބުނީ އިއްޔެ ހިންގި ރެއިޑު އޮޕަރޭޝަންގައި ތިން ކެފޭއެއް ބަލައި ފާސްކުރި ކަމަށެވެ. އަދި އެ ތަންތަނުން ގަވާއިދާ ހިލާފަށް މަސައްކަތް ކުރަމުންދިޔަ ފަސް ބިދޭސީން އިމިގްރޭޝަނުގެ ބެލުމުގެ ދަށަށް ގެންގޮސްފައިވާ ކަމަށް އެ އޮފީހުން ބުނެފައިވެ އެވެ.
ސަރުކާރުން މިހާރު ދަނީ ގަވާއިދާ ހިލާފަށް އުޅޭ ބިދޭސީން ހޯދުމުގެ މަސައްކަތް ކުރަމުންނެވެ. މި މަސައްކަތުގެ ދަށުން މި މަހުގެ 21 އާ ހަމައަށް 4،361 ބިދޭސީން ވަނީ ރާއްޖެއިން ފުރުވާލާފަ އެވެ.
އިމިގްރޭޝަނުން ބުނީ މިހާރު ހައްޔަރުކޮށްފައިވާ ފަސް ބިދޭސީން އެ މީހުންގެ ގައުމަށް ފުރުވާލުމުގެ މަސައްކަތް ކަމާ ގުޅުންހުރި އިދާރާތަކާ ގުޅިގެން ކުރިއަށް ގެންދާނެ ކަމަށެވެ. މީގެ ކުރިން ވެސް ގަވާއިދާ ހިލާފަށް ވިޔަފާރި ކުރަމުންދިޔަ ބިދޭސީންނާއި، ސާފުތާހިރު ނޫން ތަންތަނުގައި ކާބޯތަކެތި ތައްޔާރު ކުރަމުންދިޔަ ބިދޭސީން ވަނީ ހައްޔަރުކޮށްފަ އެވެ.
