ހޯމް މިނިސްޓަރު މިހެން ވިދާޅުވީ ފުލުހުންނާއި ކަސްޓަމްސްއިން އެކިއެކި މައްސަލަތަކުގައި ތަޙުޤީޤަށް ހިފަހައްޓާ ފައިސާ ބެލެހެއްޓޭނެ ހަރުދަނާ ނިޒާމެއް އެ މުއައްސަސާތަކުގައި ޤާއިމުކުރެވިފައިވޭތް ރައްޔިތުން މަޖިލީހުގެ ގަލޮޅު އުތުރު ދާއިރާގެ މެންބަރު މުހައްމަދު އިބްރާހީމް ކުރެއްވި ސުވާލަށް ޖަބާބު ދެއްވަމުންނެވެ.
މިނިސްޓަރު އިހްސާން ވިދާޅުވީ އެކި އެި މައްސަލަތަކުގައި ފުލުހުންގެ ބެލުމުގެ ދަށަށް ގެންނަ ދިވެހި ފައިސާ 24 ގަޑިއިރުގެ ތެރޭގައި އެމްއެމްއޭގައި އިންނަ ވގުތީ އެކައުންޓަކަށް ޖަމާކުރާނެކަމަށެވެ. އަދި އެއީ ބޭރު ފައިސާނަމަ އެކަމަށް ފުލުހުންގެ މަރުކަޒުގައި ގާއިމުކޮށްފައިވާ ހާއްސަ ތިޖޫރީއެއްގައި އެ ފައިސާ ރައްކާކުރާކަމަށް މިނިސްޓަރު ވިދާޅުވިއެވެ.
މިނިސްތަރު ވިދަޅުވީ ރައްކާ ކުރެވޭ ފައިސާއާއި މެދު ހަދާނެ ގޮތެއް ނިންމަނީ ކޯޓުން އަންނަ ހުކުމަށްފަހުކަމަށެވެ.
ކަސްޓަމުން ހިފަހައްޓާ ފައިސާ، ކޯޓް މަރުހަލާއަށް ދަންދެން ރައްކާކުރަނީ އެ އިދާރާގައި ހުންނަ ހާއްސަ ތިޖޫރީއެއްގައިކަމަށް މިނިސްޓަރު އިހްސާން ވިދާޅުވިއެވެ. އަދި އެ ފައިސާވެސް ކަނޑައެޅިފައި އޮންނަ އުސޫލުތަކުގެ ތެރެއިން އޮޑިޓްކުރެވޭނެކަަމަށް މިނިސްޓަރު ވިދާޅުވިއެވެ.
