އެ ކައުންސިލުން ބުނީ އާސަހާރާގެ ވެއްޓެން ކައިރިފައި ހުރި ވަށާ ފާރު ތަޅާލާއި ނެގުމުގެ މަސައްކަތް ކުރަމުން އަންނަކަމަށެވެ. އަދި ފާރުން ތަޅާލާނީ އުސްކޮށް ހުރި ބައިކަމަށްވެސް އެ ކައުންސިލުން ބުނެ އެވެ.
ސަހަރާގެ ވަށާ ފާރު ނަގާ ސަހަރާ ރީތިކޮށް ހުޅުވިފައި އޮންނަ ހިތްފަސޭހަ ސާފުތާހިރު ތަނަކަށް ހެދުމުގެ މަސައްކަތް ކުރަމުން އަންނަކަމަށް ސިތީ ކައުންސިލުން ވަނީ ބުނެފަ އެވެ. މި ބަދަލާއި އެކު މާލޭގެ އެހެން ސަހަރާތަކޭ އެއްގޮތަށް އާ ސަހަރާގެ މަހާނާތައްވެސް ބޭރަށް ފެންނަން ހުންނާނެ އެވެ.
މާލޭގެ އާ ސަހަރާ ފުރެން ގާތްވުމުން މާލޭ ސަރަހައްދުގައި މަރުވާ މީހުން ވަޅުލުމަށް ހުޅުމާލޭގައި ސަހަރާއެއް ހަދާ އަންނަނީ ބޭނުންކުރަމުންނެވެ.
ސަހަރާގެ ފާރަށް ގެންނަ ބަދަލު މާލޭ މޭޔަރު އާޒިމް ބައްލަވާލައްވަނީ
މާލޭގެ އާސަހަރާ މިސްކިތާއި އެ މިސްކިތުގެ ހިނަވާގެ މަރާމަތަށް ފަހު އަލުން ހުޅުވީ މިމަހުގެ ހަތަރުވަނަ ދުވަހު އެވެ. ދެ ބުރިއަށް އިމާރާތްކޮށްފައިވާ މިސްކިތުގެ މަސައްކަތް ނިމުނިއިރު 3،200 އަކަފޫޓު މިސްކިތަށް ވަނީ އިތުރުކޮށްފަ އެވެ.
މި މިސްކިތުގެ މަތީބައިގައި އަންހެނުންނަށް ނަމާދުކުރުމަށް ބައެއް ވަނީ ހާއްސަކޮށްފައެވެ. މީގެއިތުރުން ޖަނާޒާގައި އަންނަ މީހުން މަޑުކުރާނެ ވެއިޓިން ބަޔަކާ ޖަނާޒާތަކަށް އަންނަ ވީއައިޕީން މަޑުުކޮށްލަން ވީއައިޕީ ބައެއްވެސް ވަނީ ހަދާފަ އެވެ.
