އޭސީސީ އަދި އިލެކްޝަން ކޮމިޝަންގެ ރައީސުންނާއި ނައިބުން އައްޔަންކުރުމުގެ ބާރު ރައީސަށް ލިބިދޭ ގޮތަށް ހުށަހަޅާފައިވާ ބިލަށް މިއަދު ވާހަކަދައްކަވަމުން ސަލީމް ވިދާޅުވީ، މުޅި ގައުމު އިސްލާހުކުރުމުގެ އެންމެ ބޮޑު ބާރު އޮންނަންވާނީ ރައީސްގެ އަތްޕުޅުގައި ކަމަށެވެ.
ޕީއެންސީގެ ލީޑާޝިޕްގައި ހިމެނިވަޑައިގަންނަވާ ސަލީމް ވިދާޅުވީ، ގާނޫނު އަސާސީއަށް ބަދަލުގެނެސްގެން ނަމަވެސް ރައީސްއަށް އިތުރު ބާރުތައް ދޭންޖެހޭ ކަމަށެވެ. އަދި ޑިމޮކްރަސީ އައި ފަހުން 15 ބިލިއަން ރުފިޔާގެ ހިޔާނާތުގެ މައްސަލަތައް ހިނގާފައިވާއިރު، އެއްވެސް މުއައްސަސާއަކުން އެކަން ބަލާފައި ނުވަނީ ރައީސްގެ އަތްޕުޅުގައި ބާރު ނެތީމަ ކަމަށް ވެސް ވިދާޅުވި އެވެ.
ސަރުކާރުން މީގެ ކުރިން ވެސް ވަނީ ގާނޫނު އަސާސީއަށް އިސްލާހު ގެންނާނެ ކަމަށް ބުނެފައެވެ. ނަމަވެސް އެ އިސްލާހުތަކުގެ ތަފުސީލު އަދި ހާމަކޮށްފައެއް ނުވެ އެވެ.
