މި އަހަރު މިއަށްވުރެ ރަނގަޅު ފިލްމެއް ނާންނާނެ ކަމަށް ފިލްމުގެ ޑައިރެކްޓަރު ހަސަން ހަލީމް (ކޮކޯ) ވަނީ ބުނެފައެވެ.
ކޮކޯ ސްޓޫޑިއޯއިން އުފެއްދި މި ފިލްމަކީ ކޮކޯ ހަސަންގެ އައިޑިއާއަކަށް ރިޝްދާ ލިޔެފައިވާ ވާހަކައެކެވެ. ފިލްމު ޕްރޮޑިއުސްކޮށްފައި ވަނީ ކޮކޯގެ ދަރިފުޅު އަންދަލާ ހަލީމް (އަންޏަ) އެވެ.
"ގެއްލުނު ރޭ" ގައި މަސައްކަތްކުރާ ތަރިންގެ ތެރޭގައި މުހައްމަދު މަނިކު، އައިމިނަތު ޝުހާ، އިބްރާހިމް ޖިހާދު (ޖިމީ)، މަރިޔަމް ޝިފާ، މަރިޔަމް ހަލީމް އަދި އަލަށް ތައާރަފުކުރާ ކުޑަކުއްޖެއް ކަމަށްވާ ކައުސަރު ހިމެނެ އެވެ.
ފިލްމުގެ ޕޯސްޓަރާއި ޓްރެއިލާ ރިލީޒްކުރުމަށް ބޭއްވި ހާއްސަ ރަސްމިއްޔާތުގައި ވާހަކަދައްކަމުން ކޮކޯ ބުނީ މި ފިލްމަކީ ރާއްޖޭގެ ފިލްމީ ދާއިރާގެ ގިނަ ފަންނާނުންގެ އެހީތެރިކަމާއެކު އުފައްދާފައިވާ ފިލްމެއް ކަމަށެވެ.
ފިލްމު ބަލަން ބޭނުންވާ ފަރާތްތަކަށް ޓިކެޓް ހޯދުމަށް 7662021 އަށް ގުޅުމަށް ކޮކޯ ސްޓޫޑިއޯއިން އެދިފައި ވެއެވެ.
