ބާކީ އެއް މެޗު އޮއްވައި މާޒިޔާ އެލިމިނޭޓްވީ ގްރޫޕުގެ އެއްވަނަ، ނުލިބުނުތާ، ތިން ގްރޫޕުގެ އެންމެ މޮޅު ދެވަނަ ޓީމުގެ ޖާގަވެސް ނުލިބޭނެކަން ކަށަވަރުވުމުންނެވެ. މާޒިޔާއިން އެ ޓީމުން ކުޅުނު ފުރަތަމަ މެޗުން ދެ ލަނޑު އެއް ލަނޑުން ބަލިވިއިރު، ދެވަނަ މެޗުން ބަލިވީ ދެ ލަނޑު ސުން ލަނޑުންނެވެ.
ބާކީ އޮތް މެޗުން ކޮންމެ ނަތީޖާއެއް ނުކުތަސް މާޒިޔާއަށް ލިބޭނީ ތިން ޕޮއިންޓެވެ. ވެސްޓް ޒޯންގެ ތިން ގްރޫޕުގެ ތެރެއިން އިންޑިޔާގެ އީސްޓް ބެންގޯލުން މިހާރުވެސް ހަތަރު ޕޮއިންޓް ޔަގީންކޮށްފައި އޮތުމުން، މާޒިޔާއަކަށް ދެން އެއްވެސް ފުރުސަތެއް ނެތެވެ. ކުއާޓާއަށް ކޮލިފައިވާނީ ކޮންމެ ގްރޫޕެއްގެ އެއްވަނަ ޓީމާ، ތިން ގްރޫޕުން އެންމެ މޮޅު ދެވަނަ ޓީމެވެ.
ރޭ ކުވައިތުގައި ކުޅުނު މާޒިޔާ މެޗުން މާޒިޔާ ބަލިވީ އަލް އަރަބި އަތުން، މެޗުގެ ފުރަތަމަ 10 ވަރަކަށް މިނިޓުގެ ތެރޭގައި މާޒިޔާ ކޮޅަށް ވަތް ދެ ލަނޑާއެކުއެވެ.
މާޒިޔާ ގްރޫޕުގެ ޕޮއިންޓް ޓޭބަލްއަށް ބަލާއިރު، ތުރުކުމެނިސްތާންގެ ޗެމްޕިއަން، އަރްކަޑަގް އޮތީ ކުޅުނު ދެ މެޗުންވެސް މޮޅުވެގެން އެއްވަނައިގައެވެ. ދެ ވަނައިގައި އޮތް އަބްދީޝް އާއި ތިން ވަނައިގައި އޮތް އަލް އަރަބި އަށް ތިން ޕޮއިންޓް ވަނީ ލިބިފަ އެވެ. މާޒިޔާ ފުލުގައި އޮތީ ދެ މެޗުންވެސް ބަލިވެ ޕޮއިންޓެއްވެސް ނުލިބިއެވެ. މާޒިޔާއިން ފަހު މެޗުގައި ނުކުންނާނީ އަބްދީޝް އާ ދެކޮޅަށެވެ.
