އެ ޕާޓީން ބުނީ ފިރިހެނުންނަށް އޮންނަ ހުރިހާ ފުރުސަތުތަކެއް އަންހެނުންނަށް ވެސް ލިބެންޖެހޭނެ ކަމަށެވެ. އަދި ޝައިނާ މި މުބާރާތުގައި ބައިވެރިވަނީ ދިވެހިންނަށް ފަހުރުވެރި ނަމެއް ހޯދައިދިނުމަށް ކަމަށް ވެސް އެ ޕާޓީން ފާހަގަކޮށްފައިވެއެވެ.
އުމުރުން 21 އަހަރުގެ ޝައިނާ އަކީ ޓޮޕް މޮޑެލް މޯލްޑިވްސް 2022 ކާމިޔާބުކުރި ފަރާތެވެ. އޭނާ ބައިވެރިވާ މިސްޔުނިވާސްގެ 73 ވަނަ މުބާރާތް އޮންނާނީ އަންނަ މަހުގެ 14 އިން 16 އަށް މެކްސިކޯގައެވެ.
ނަމަވެސް ޝައިނާ މި މުބާރާތުގައި ބައިވެރިވުމާ މެދު ޔޫތު މިނިސްޓްރީން ވަނީ ކަންބޮޑުވުން ފާޅުކޮށް، އެކަން ހުއްޓާލުމަށް އިލްތިމާސްކޮށްފައެވެ. އަދި ބައެއް ދީނީ އިލްމުވެރިން ވެސް ވަނީ މިކަމާ ދެކޮޅު ހަދައިފައެވެ.
މި އަހަރުގެ މުބާރާތުގައި 130 ގައުމަކުން ބައިވެރިވާއިރު، ރާއްޖެއަކީ މި މުބާރާތުގައި ފުރަތަމަ ފަހަރަށް ބައިވެރިވާ ގައުމުތަކުގެ ތެރެއިން އެއް ގައުމެވެ.
