އަންނަ ނޮވެމްބަރު މަހު އައްޑޫ ސިޓީގެ ކެނެރީފް ރިސޯޓުގައި އޮންނަ، ދުނިޔޭގެ އެންމެ ބޮޑު ބޮޑީބިލްޑިން މުބާރާތަކީ 15 ވަނަ ވޯލްޑް ބޮޑީބިލްޑިން އެންޑް ފިޒީކް ސްޕޯޓްސް ޗެމްޕިއަންޝިޕެވެ. މި މުބާރާތް އޮންނާނީ އަންނަ މަހުގެ 5-11 އަށެވެ. 15 ވަނަ ވޯލްޑް ބޮޑީބިލްޑިން އެންޑް ފިޒީކް ސްޕޯޓްސް ޗެމްޕިއަންޝިޕްގައި 55 ގައުމަކުން 500 އަށްވުރެ އެތުލީޓުންނާއި އޮފިޝަލުން ބައިވެރިވާނެ އެވެ.
މުބާރާތް ލޯންޗުކޮށްދެއްވީ ކުޅިވަރާއި ހަށިހެޔޮކަމާ ބެހޭ ވަޒީރު އަބްދުﷲ ރާފިއު އެވެ. ވަޒީރު ވިދާޅުވީ މިފަދަ ބައިނަލްއަގްވާމީ މުބާރާތްތައް ރާއްޖޭގައި ބޭއްވުމަކީ ސަރުކާރުގެ އެއް އަމާޒު ކަމަށެވެ. އެކަމަކު، ދިވެހި އަންހެން ކުއްޖަކު މިސް ޔުނިވަރސް މުބާރާތުގައި ބައިވެރިވާން އުޅޭ ކަމުގެ އަޑުތައް މީޑިއާގައި ފެތުރުމާއެކު، ރައީސް ވިދާޅުވީ ހަށިގަނޑު ހާމަކޮށްގެން ކުރާ މަސައްކަތުން ގައުމަށް ލިބޭނެ ރީތި ނަމެއް އަދި ކާމިޔާބެއް ނެތް ކަމަށެވެ.
ރައީސް މިހެން ވިދާޅުވެފައިވާއިރު، ބޮޑީބިލްޑިން އެސޯސިއޭޝަން އޮފް މޯލްޑިވްސް އިން ބުނިގޮތުގައި މިއީ ރާއްޖޭގައި މިހާތަނަށް ބާއްވާ އެންމެ ގިނަ އަދަދެއްގެ އެތުލީޓުން ވާދަކުރާ ކުޅިވަރު މުބާރާތެވެ.
ރައީސް ވިދާޅުވީ ފިރިހެނަކުވިޔަސް، އަންހެނަކުވިޔަސް، މާތްﷲ ރުހިވޮޑިގެންނުވާ ގޮތަކަށް ތިމާގެ ހަށިގަނޑު ހާމަކޮށްގެން ކުރާ މަސައްކަތަކުން ނުވަތަ ބައިވެރިވާ ކުޅިވަރަކުން، ތިމާއަށް ނުވަތަ ތިމާގެ ދިނާއި ގައުމަށް ލިބޭނެ ހަގީގީ ރީތިނަމެއް، އުފަލެއް، ކާމިޔާބީއެއް ނެތް ކަމަށެވެ.
ރައީސް މިހެން ވިދާޅުވެފައިވަނިކޮށް، ބޮޑީ ބިލްޑިން މުބާރާތް ބާއްވަން މަސައްކަތް ކުރަމުން އަންނާތީ ގިނަ ބަޔަކު އަންނަނީ އެކަމަށް ފާޑު ކިޔަމުންނެވެ.
ބައެއް މީހުން ސަރުކާރުގެ ނިންމުމަށް ވެސް ތާއީދު ކުރި އެވެ. އެގޮތުން ފޭސްބުކްގައި މީހަކު ލިޔެފައި އޮތީ މިކަހަލަ އެއްވެސް ކަމަކަށް އަހަރެމެން ދިވެހީން އެއްބާރުލުން ދީގެން ނުވާނެ. ކަމަށެވެ އަދި އަހަރެމެންގެ ދީނަށް ކުރެވޭ ފުރައްސާރަ ހުއްޓުވަން ޖެހޭ ކަމަށެވެ އަދި ސަރުކާރުން ނިންމެވީ އެންމެ ރަނގަޅު ގޮތް ކަމަށް އޭނާ ލިޔެފައި އޮތެވެ.
