ރާއްޖޭގެ ރައީސުން ހިމެނޭ ގޮތަށް، ދައުލަތުގެ މުވައްޒަފުންގެ މައްސަލަތަކުގައި ދައުވާކުރުމަށް ހުރި ގޮންޖެހުންތައް ނައްތާލަން ގާނޫނަށް އިސްލާހު ގެންނަވަނެކަމަށް ކަމަށް ރައީސް ޑރ. މުހައްމަދު މުއިއްޒު ރޭ ވަނީ ވިދާޅުވެފައެވެ.
ރައީސްްގެ މި ވާހަކަތަކާއި ގުޅިގެން ދާހިލީ ވަޒީރު އަލީ އިހްސާން ވިދާޅުވީ މިހާރު އޮތް ޤާނޫނުގަ މި މާއްދާ ލިޔެފައި އޮތީ މިވާހަކަ ގަދަޔަށް ދައްކާފަ އެއްވެސް މީހެއްގެ މައްޗަށް ދައުވާ ނުކުރެވޭ ގޮތަށްކަމަށެވެ. އަދި ގާނޫ އޮތްގޮތުން ދައުވާކޮށްފިއްޔާ ސާބިތު ނުވާނެކަމަށްވެސް އިހްސާން ވިދާޅުވިއެވެ.
މިހާރު ގާނުނުގައި އޮތީ ކަންކުރުމުގެ ނިޔަތް ނެތި ލިޔެފައި އޮތް މާއްދާއެއް ގޮތަށް ސިފަކުރައްވަމުން އިހްސާން ވިދާޅުވީ ގާނޫނަށް ރައީސް މުއިއްޒު އިސާލާހު ހުށައެޅުއްވީ ހެޔޮ ނިޔަތުގައިކަން ފެންނަކަމަށެވެ.
" ރައީސް ޑރ. މުއިއްޒު މިގެންނަވަން ނިންމެވި އިސްލާހަކީ ދައުލަތްތެރޭ އޮތް ޒަމާންވީ ކޮރަޕްޝަންގެ މައްސަލަ ހައްލުކުރެވޭނެ އަދި އެނިޔަތާއި އަޒުމް ފެންނަ އިސްލާހެއް." އިހްސާން ވިދާޅުވިއެވެ.
ރައީސް މުއިއްޒު އެކްސްގައި ރޭ ކުރެއްވި ޕޯސްޓެއްގައި ވިދާޅުވީ ދައުލަތުގެ އިދާރާތަކުގެތެރޭގައި އަށަގެންފައިވާ ކޮރަޕްޝަނާއި ނުހައްގު މުއްސަނދިކަން ހޯދުމުގެ މައްސަލަތައް ތަހުގީގުކޮށް، ދަޢުވާ ކުރުމުގައި ހުރި ގޮންޖެހުންތައް ނައްތާލުމަށް ރާއްޖޭގެ ގާނޫނުލް އުގޫބާތަށް ގެންނަން ޖެހޭ އިސްލާހުތައް ގެނައުމަށް ނިންމަވާފައިވާ ކަމަށެވެ. އަދި މި އިސްލާހުތައް ފެށޭ ހަފުތާގައި ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅުއްވާނެ ކަމަށްވެސް އެމަނިކުފާނު ވިދާޅުވި އެވެ.
ރައީސް ވިދާޅުވީ ގާނޫނަށް ގެނެވޭ އިސްލާހުގެ ސަބަބުން ރައީސުލްޖުމްހޫރިއްޔާ އާއި ވަޒީރުންނާއި ރައްޔިތުންގެ މަޖިލީހުގެ މެންބަރުންނާއި ފަނޑިޔާރުން ހިމެނޭ ގޮތުން، ދައުލަތުގެ މުވައްޒަފުންނާއި ދައުލަތުގެ މުވައްޒަފެއްގެ މަގާމު އަދާކޮށްފައިވާ ފަރާތްތަކުން ހޯދަމުންދާ ނުވަތަ ހޯދާފައިވާ ނުޙައްގު މުއްސަނދިކަމުގެ މައްސަލަތައް ބެލުމަށް ފަސޭހަވެގެންދާނެ ކަމަށެވެ.
ނުހައްގު މުއްސަނދިކަން ހޯދުމަކީ ކުށެއް ކަމަށް ކަނޑައަޅައި، ގާނޫނުލްއަގޫބާތަށް ފުރަތަމަ އިސްލާހު ގެނައީ ނިމުނު ވެރިކަމުގައި 2021 ވަނަ އަހަރުގެ މެއި މަހު އެވެ.
