ޒަމީރު މިހެން ވިދާޅުވީ އަންނަ އަހަރަށް ދައުލަތުން ލަފާކުރާ ބަޖެޓް ރައްޔިތުން މަޖިލިހަށް ހުށައަޅުއްވަމުން ދެއްވި ބަޖެޓް ބަޔާނުގައެވެ. ދައުލަތުން އަންނަ އަހަރަށް ހުށައެޅި 56.6 ބިލިއަން ރުފިޔާގެ ބަޖެޓެެވެ.
މިއަހަރުގެ ފެބްރިއަރީ މަހު އައްޑޫ ސިޓީ ރައްޔިތުންނާ ބައްދަލުކުރައްވާ ވާހަކަފުޅު ދައްކަވަމުން ރައީސް ޑރ. މުއިއްޒު ވަނީ އައްޑޫ ސިޓީގައި މިސަރުކާރުން ތަރައްގީކުރަން ވައުުދުވެފައިވާ ބްރިޖުގެ މަސައްކަތް މި އަހަރު ފައްޓަވާނެކަަމަށް ވިދާޅުވެފައެވެ.
އަދި ހަމަ އެދުވަހު ވަނީ ބްރިޖްގެ މަސައްކަތައް ބޭނުންވާ ދިރާސާތައްކުރުމަށް މިސްރުގެ ކުންފުންޏެއް ކަމަށް އަރާބް ކޮންޓްރެކްޓާ މިސްރުގެ އަރަބް ކޮންޓްރެކްޓާސް ގްރޫޕާ ހަވާލުކޮށް އެއްބަސްވުމުގައި ސޮއިކޮށްފައެވެ.
އަންނަ އަހަރަށް ލަފާ ކުރާ ދައުލަތުގެ ބަޖެޓް ބަޔާން ހުށައަޅުއްވަމުން ފިނޭންސް މިނިސްޓަރު މޫސާ ޒަމީރު އިއްޔެ ވިދާޅުވީ އައްޑޫ ހިތަދޫ އާއި ހުޅުމީދޫ ގުޅުވާލަ ދޭ ބްރިޖުގެ މަސައްކަތް އަންނަ އަހަރު ފެށުމަށް ރާވާފައިވާކމަށެވެ. އެހެންނަމަވެސް ބްރިޖުގެ އަދަދުތަކާއި ގުޅޭ ތަފްސީލުތަކެއް މިނިސްޓަރު ދެއްވާފައެއް ނުވެއެވެ.
އިތުރަށް ކިޔާލުމަށް : އައްޑޫ ބްރިޖަށް މިހާރު ކުރިޔަށްދަނީ ފައިސާ ހަމަޖެހޭތޯ ބެލުން
އައްޑޫ ހިތަދޫ އާއި ހުޅުމީދޫ ގުޅުވާލަ ދޭ ބްރިޖުގެ މަސައްކަތާއި ގުޅެގޮތުން އެންމެ ފަހުން ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް މިދިޔަ ޖުލައި މަހުގެ ވިދާޅުވީ ބްރިޖު އަޅަން ދިވެހި ސަރުކާރުން ލޯނު ނެގިނަމަވެސް އެ ފައިސާ ދޭނެ ބަޔަކު ހޯދަންޖެހޭނީ ބްރިޖު އެޅުމުގެ މަސައްކަތާއި ހަވާލުވި މިސްރުގެ ކުންފުނި އަރަބް ކޮންޓްރެކްޓާސް ގްރޫޕުންކަަމަށެވެ.
މިހާރު ކުރިޔަށް ދަނީ އެކަމަށް ބޭނުންވާ ފައިސާ ހަމަޖެހޭތޯ ބެލުންކަމަށެވެ.
