މި މައްސަލައިގައި ހައްޔަރުކޮށްފައި ވަނީ، މއ. ފޯޗިއުން، އުމުރުން 37 އަހަރުގެ ފާތިމަތު އަލީ އެވެ.
ފުލުހުން ބުނީ، އޭނަ ހައްޔަރު ކުރީ ރޭ ނޫން ކުރީރޭ 22:08 ހާއިރު ބަންގްލަދޭޝް ރައްޔިތަކު ގަލޮޅު ގެއަކަށް އޮޅުވާލައިގެން ގެންގޮސް، ވަޅިން ބިރުދައްކައި ފޭރުނު މައްސަލައަކާ ގުޅިގެން ކަމަށެވެ. އޭނާގެ ބަންދާ މެދު ގޮތެއް ނިންމަން ކޯޓަށް ހާޒިރު ކުރުމުން 15 ދުވަހަށް ބަންދު ކުރުމަށް ވަނީ އަމުރުކޮށްފަ އެވެ.
ފުލުހުން ބުނިގޮތުގައި އެ އަންހެން މީހާއަށް އެކަމުގައި އެހީތެރިވި ކަމަށް ތުހުމަތު ކުރެވޭ ދިވެހި ފިރިހެނަކު ހޯދުމުގެ މަސައްކަތް ވެސް ކުރަމުން އެބަދެ އެވެ. އެކަމަކު އޭނާގެ ވަނަވަރު އަދި ފުލުހުން ހާމައެއް ނުކުރެ އެވެ.
މި ފަހުން ވަނީ މީހުން ތަންތަނަށް ވައްދައިގެން ފޭރުމާއި ބިރު ދެއްކުމުގެ ކުށްތައް މާލޭ ސަރަހައްދުގައި އިތުރުވެފަ އެވެ. އެފަދަ މައްސަލަތަކާ ގުޅިގެން ފުލުހުން ބުނެފައިވާ މިއީ ގްރޫޕް ހަދައިގެން ކުރަމުން އަންނަ ކަމެކެވެ.
