މިރޭ ގާތްގަނޑަކަށް 21:00 ހާއިރު މި ހިނގި މި އަލިފާނުގެ ހާދިސާގައި އެއްވެސް މީހަކަށް އަނިޔާވެފައެއްނުވެ އެވެ.
އެހެންނަމަވެސް އަލިފާން ރޯވި "ސަމޭދާނު" ގެ ވަނީ އެއްކޮށް އަނދައި ހުލިވެފަ އެވެ. މި ގެޔަކީ ފިލާ ބޭނުންކޮށްގެން ހަދާފައިވާ ގެޔެކެވެ.
ސޯޝަަލް މީޑިއާގައި ދައުރުވާ ވީޑިއޯއަކުން ފެންނަ ގޮތުގައި އަލިފާން ރޯވި ގޭގައި ވަރަށް ބޮޑަށް ހުޅުހިފައިފައި އޮތް މަންޒަރު ފެނެ އެވެ.
ދެމަފިރިއަކު އެކަނި ދިރިއުޅޭ ގޭގައި އަލިފާން ރޯވީ އެ ދެ މީހުން ވެސް ގޭގައި ނޫޅޭ ވަގުތެއްގަ އެވެ. އެކަމަކު އަލިފާން ނިއްވައިލެވުނުއިރު، އެ ގެ ވަނީ ބޭނުން ނުކުރެވޭ ވަރަށް އަނދައިފަ އެވެ.
ރޯވެފައިވާ އަލިފާންގަނޑު ނިވާލީ ސިފައިނެވެ. ސިފައިންނަށް އަލިފާންގަނޑު އެއްކޮށް ނިވާލެވުނީ ގާތްގަނޑަށް 22:00 އެހާއިރު އެވެ.
ނަމަވެސް، މިހާދިސާއާ ގުޅިގެން އެރަށު ކައުންސިލް ނުވަތަ އެމްއެންޑީއެފްގެ ރަސްމީ ބަހެއް އަދި ލިބިފައެއް ނުވެއެވެ.
