މި މައްސަލާގައި ހައްޔަރުކޮށްފައިވަނީ ށ. ފޭދޫ، ހިރުދޫމާގެ، އުމުރުން 24 އަހަރުގެ އަހުމަދު ލުޖައިން އެވެ
ފުުލުހުން މީނާ އަތުލައިގަތީ 67 ސިނގިރޭޓް ކާޓުން ވަގަށް ނަގައިގެން ދަބަހަކަށް އަޅައިގެން ފިލަން ދަނިކޮށެވެ. ފުލުހުން ބުނީ މީނާ ހައްޔަރުކުރީ އިއްޔެރޭ ދަންވަރު މަގުމަތި ޕެޓްރޯލްކުރަމުން ދަނިކޮށް އޮލިމްޕަސް ކައިރިން ދަނިކޮށް ތުހުމަތުުރެވިގެން ހިފައްހައްޓާ ބެލުމަށްފަހުގައިކަމަށެވެ.
އޭނާ އަތުގައި އޮތް ދަބަހަކާއި ކޮތަޅެެއް ބަލާ ފާސްކުރި އިރު އޭގެ ތެރެއިން 67 ސިނގިރޭޓް ކާޓޫނު ފެނިފައިވާކަމަށް ފުލުހުން ވަނީ ބުނެފައެވެ. އަދި މިހާތަނަށް ބެލި ބެލުމުން މީނާ މިތަކެތި ވަގަށް ނަގާފައިވަނީ އޯޝަން ނޯޓިކަލް ޕްރައިވެޓް ލިމިޓެޑްކަމަށް ބެލެވޭކަމަށް ފުލުހުން ވަނީ ބުނެފައެވެ.
މީނާ ބަންދުކޮށް ކޯޓުން ވަނީ ފަސްދުވަހުގެ މުއްދަތު ޖަހާދީފައެވެ.
ދުންފަތުގެ އިސްތިއުމާލުކުރާ މިންވަރު މަދުކުރުމަށް ސަރުކާރުން އެޅި ފިޔަވަޅެއްގެ ގޮތުން ސިނގިރޭޓާއި ވޭޕްއިން ނަގާ ޑިއުޓީ މިމަހަހުގެ އެއްވަނަ ދުވަހުން ފެށިގެން ވަނީ ބޮޑުކޮށްފައެވެ.
