މި ހިދުމަތަކީ މިއަހަރުގެ މާޗް މަހު އެމްޕީއެލްއިން ތައާރަފުކުރި އާ ހިދުމަތެކެވެ.
ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވި ގޮތުގައި، މި ހިދުމަތުގެ ޑިމާންޑު އިތުރުވެ ފުޅާވަމުން އަންނަ ކަމަށާއި، ރާއްޖެއަކީ ޔޫރަޕާއި މެދު އިރުމަތީގެ ގައުމުތަކަށް ދަތުރުތައް ބާއްވާ ގައުމަކަށް ވުމުން މުދާ އުފުލުމުގެ ފުރުސަތުތައް އިތުރުވެފައިވާ ކަމަށެވެ.
މިނިސްޓަރު އަމީން އިތުރަށް ވިދާޅުވީ މި ހިދުމަތް ރެގިއުލޭޓުކޮށް ފުޅާކުރުމަށް އެންމެ އިސްކަމެއް ދޭ ކަމަށެވެ. މިގޮތުން، މި ހިދުމަތް މެދުވެރިކޮށް މިހާރު 13 ގައުމަކަށް މުދާ ފޮނުވަމުންދާ ކަމަށް އެނގެ އެވެ.
ސީ-ޓު-އެއާ ކާގޯ ހިދުމަތުގެ ފުރަތަމަ ޝިޕްމަންޓް ރާއްޖެއިން ފޮނުވީ މިއަހަރުގެ މެއި މަހުގެ ތެރޭގަ އެވެ. އޭގެ ފަހުން މި ހިދުމަތް ވަނީ އަވަސް ދުވެއްޔެއްގައި ކުރިއަރަމުން ގޮސްފަ އެވެ.
މި ހިދުމަތުގެ ސަބަބުން ރާއްޖޭގެ ވިޔަފާރިވެރިންނަށް ބޭރު ގައުމުތަކަށް މުދާ ފޮނުވުމުގެ އިތުރު ފުރުސަތުތަކެއް ލިބިގެންދާނެ ކަމަށް ބެލެވެ އެވެ.
