މި ޔުނިޓަކީ ސްޕެޝަލް ބޯޓު ސްކޮޑްރަން (އެސްބީއެސް) އެވެ.
ނަސްރުގެ ދުވަހާ ގުޅިގެން ޖުމްހޫރީ މައިދާނުގައި ބޭއްވި ރަސްމިއްޔާތެއްގައި މި ޔުނިޓް އިފްތިތާހުކޮށްދެއްވީ ރައީސް މުހައްމަދު މުއިއްޒެވެ. އެމްއެންޑީއެފުން ބުނީ މިއީ ކޯސްޓްގާޑުގެ ތެރޭގައި ހާއްސަ ތަމްރީނު ލިބިފައިވާ އެލީޓް މެރިޓައިމް ޔުނިޓެއް ކަމަށެވެ.
މި ޔުނިޓުން ކުރާނެ މަސައްކަތްތަކުގެ ތެރޭގައި ކަނޑުއަޑީގައި އެއްޗެހި ގޮއްވާލުމާއި ޓެރަރިޒަމްގެ ހަމަލާތަކާއި ކަނޑުފޭރުމާއި މަސްތުވާތަކެއްޗާއި، ވަގުފާރިއާ ދެކޮޅަށް ހިންގާ އޮޕަރޭޝަންތައް ހިމެނެ އެވެ. އަދި ގަވައިދާ ހިލާފަށް ކުރާ މަސްވެރިކަމާ ދެކޮޅަށް ވެސް މި ޔުނިޓުން މަސައްކަތްކުރާނެ އެވެ.
ރަސްމިއްޔާތުގައި އެކި ހަމަލާތަކާއި ހާލަތްތަކުގައި އަމަލުކުރާނެ ގޮތުގެ ޑްރިލްތަކެއް ސިފައިން ވަނީ ދައްކާލައިފަ އެވެ. އެމްއެންޑީއެފުން ބުނީ މި ޔުނިޓުގެ މެންބަރުން އަބަދު ވެސް ތިބޭނީ ތައްޔާރީ ހާލަތުގައި ކަމަށެވެ.
