މަޖިލީހުގައި މިއަދު ވާހަކަފުޅު ދައްކަވަމުން މެންބަރު ވިދާޅުވީ، އެމްޑީޕީގެ ފުރަތަމަ ވެރިކަން ނިމުނު އިރު ރާއްޖޭގެ އެކި ތަންތަނުގައި ސިޔާސީ ހަރަކާތްތަކުގެ ނަމުގައި ހުޅުޖަހައި އަންދާލި ކަމަށެވެ. އަދި މިފަދަ ކަންކަމަށް ޒިންމާވާނެ ބަޔަކު ތިބެންޖެހޭ ކަމަށް ވެސް އެ މެންބަރު ވިދާޅުވި އެވެ.
މަމްދޫހު ވިދާޅުވީ މިހާރު ވެސް ބައެއް ފަރާތްތަކުން ދަނީ ދޮގު ވާހަކަތައް ފަތުރައި، ސިޔާސީ ހަރަކާތްތައް ހިންގައިގެން ރައްޔިތުންނާއި ސަރުކާރާ ދެމެދު ޖެހުން އުފެއްދުމަށް މަސައްކަތް ކުރަމުންނެވެ. އަދި މިކަން ހުއްޓުވުމަށް ޓަކައި ސިޔާސީ ޕާޓީތަކުގެ ގާނޫނަށް އިސްލާހުތަކެއް ގެންނަން ޖެހިފައިވާ ކަމަށް ވެސް އެ މެންބަރު ވިދާޅުވި އެވެ.
ސިޔާސީ ޕާޓީތަކުގެ ގާނޫނަށް ގެންނަން ހުށަހަޅާފައިވާ އިސްލާހުތަކާ އެކު ރައްޔިތުންގެ މެދުގައި ގެއްލިފައިވާ އިތުބާރު އަލުން ހޯދައިދެވޭނެ ކަމަށް މަމްދޫހު ވިދާޅުވި އެވެ.
