މާލެ ޕޮލިސް ކޮމާންޑުން ހާއްސަ އޮޕަރޭޝަންގެ ތެރެއިން
ފޯނު ފިހާރަ ފަޅާލުން: ވަގަށް ނެގި 9 ފޯނު ހޯދައިފި
އައިޝަތު ރަޝާ
04 ނޮވެންބަރ 2024 - 22:00:15
ފޯނު ފިހާރައަކަށް ވަދެ ވައްކަން ކުރި މައްސަލައިގައި ހައްޔަރުކުރިމީހާގެ އަތުން އޭނާ ވަގަށް ނެގި 9 ފޯނު ހޯދާފައިވާކަމަށް ފުލުހުން ބުނެފި އެވެ.
Advertisement
ފުލުހުން ބުނީ މިއަދު ފަތިހު 5:35 ހާއިރު މަޖީދީ މަގުގައި ހުންނަ "ޒިއޯން މޯބައިލްސް 4" ނަމަކަށް ކިޔާ ފިހާރައިގެ ބިއްލޫރިގަނޑު ތަޅާލައި، އެތަނަށް ވަދެ ވައްކަންކޮށްފައިވާ ކަމަށެވެ.
މި މައްސަލައާ ގުޅިގެން ފުލުހުން މިހާރު ވަނީ، އުމުރުން 47 އަހަރުގެ މަރަންދޫއަށް ނިސްބަތްވާ އަހުމަދު ނިޔާޒް ހައްޔަރުކޮށްފައެވެ.
އޭނާ ހައްޔަރުކޮށް އޭނާ ގެންގުޅޭ ދަބަހެއް ބަލާ ފާސްކުރިއިރު، އެ ފިހާރައިން އޭނާ ވަގަށް ނެގި ކަމަށް ބެލެވޭ 9 މޮބައިލް ފޯނު ހޯދާފައިިވާކަަމަށްވެސް ފުލުހުން ބުނެ އެވެ.
ސޯޝަލް މީޑިއާގައި ފެތުރެމުންދާ ސީސީޓީވީ ފުޓޭޖުތަކުން ދައްކާ ގޮތުގައި ފުރަތަމަ މަގުމަތިން ހިނގާފައި ދިޔަ މީހަކު ފިހާރައިގެ ބިއްލޫރިގަނޑު ތަޅާލުމަށްފަހު، އިތުރު މީހަކު އައިސް ފިހާރައަށް ވަދެ ވައްކަންކޮށްފައިވެ އެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުން ނެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
