ފުލުހުން އާއްމުކޮށްފައިވާ މަސްތުވާތަކެތީގެ ފައިލް ފޮޓޯއެއް
ލަގެޖުން ކިލޯއެއްގެ މަސްތުވާތަކެތި ފެނިގެން މީހަކު ބަންދުކޮށްފި
ގުފްތަގް އަޖީރު
05 ނޮވެންބަރ 2024 - 13:01:19
ރާއްޖެ އައި ފްލައިޓަކުން ފެނުނު ކިލޯއެއްގެ މަސްތުވާތަކެތި ގެނައި ކަމުގެ ތުހުމަތުގައި މީހަކު 20 ދުވަހުގެ މުއްދަތަށް ބަންދުކޮށްފި އެވެ.
Advertisement
ކްރިމިނަލް ކޯޓުން މިއަދު ނެރުނު އަމުރުގައި ބުނެފައިވާ ގޮތުން، މި މައްސަލައިގައި ހައްޔަރުކޮށްފައިވަނީ ޔޫސުފް ޝާހީން (33 އަހަރު) އެވެ. އޭނާގެ ނަމުގައި އޮތް ލަގެޖަކުން ކިލޯއެއްގެ މަސްތުވާތަކެތި ފެނިފައިވާ ކަމަށް ކޯޓު އަމުރުގައި ބުނެފައިވެ އެވެ.
ކޯޓަށް ހާޒިރުކުރުމުން ޔޫސުފް ވަނީ މަސްތުވާތަކެތި ފެނުނު ލަގެޖަކީ އެ ފްލައިޓުން އައި އެހެން މީހެއްގެ ލަގެޖެއް ކަމަށް ބުނެފައެވެ. ނަމަވެސް އޭނާގެ މައްޗަށް ކުރާ ތުހުމަތާ ގުޅޭ ހެއްކާއި ގަރީނާ ހުރި ކަމަށް ކޯޓުން ބުނެފައިވެ އެވެ.
ފުލުހުން ކޯޓުގައި ބުނީ މި މައްސަލައިގައި އިތުރު ފަރާތްތަކެއް ހިމެނޭތޯ ބަލަމުންދާ ކަމަށެވެ. އެއީ މައްސަލައިގައި ތުހުމަތުކުރެވޭ ޔޫސުފް އެހެން މީހަކު ހިމެނޭ ކަމަށް ބުނެފައިވާތީ އެވެ.
ނޯޓު: މި ހަބަރު ވަނީ 5 ނޮވެންބަރު 2024 ވަނަ ދުވަހު 16:35 ގައި ބަދަލު ގެނެސްފައެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
