Advertisement

ސިޓީގެ ކޮންޓްރެކްޓް އިތުރު ކުރުމަށް ފަހު ގާޑިއޯލާ ޓީމު ގޮވައިގެން ނުކުމެ ކުޅުނު ފުރަތަމަ މެޗުގައި ޓޮޓެންހަމް އަތުން ބަލިވިއިރު، މިއީ ސިޓީން މިދިޔަ 19 ވަރަކަށް އަހަރު ތެރޭ ޖެހިޖެހިގެން ފަސް މެޗުން ބަލިވި ފުރަތަމަ ފަހަރެވެ. އަދި މިއީ، ގާޑިއޯލާގެ ކޯޗިން ކެރިއަރުގައި ވެސް ޖެހިޖެހިގެން ފަސް މެޗުން ބަލިވި ފުރަތަމަ ފަހަރެވެ.

ސިޓީ ބަލިވުމުން، ލީގުގެ އެއް ވަނައިގައި އަށް ޕޮއިންޓަށް ލީޑުފުޅާކުރަން ލިވަޕޫލަށް ވަނީ ފުރުސަތު ލިބިފަ އެވެ. އެއް ވަނައިގައި އޮތް ލިވަޕޫލަށް 11 މެޗުން 28 ޕޮއިންޓް ލިބިފައިވާއިރު، ސިޓީ އަށް 12 މެޗުން ވަނީ 22 ޕޮއިންޓް ލިބިފަ އެވެ. ތިން ވަނައިގައި އޮތް ޗެލްސީ އާއި ހަތަރެއްގައި އޮތް އާސެނަލް އަދި ފަސް ވަނައިގައި އޮތް ބްރައިޓަން އަށް ވަނީ 12 މެޗުން 22 ޕޮއިންޓް ލިބިފަ އެވެ.