ލަމްހާ ހައްޔަރުކޮށްފައި ހުރީ، އައިޖީއެމްއެޗްގައި މަސައްކަތްކުރި ފިލިޕީންސްގެ ނަރުހެއް ކަމަށްވާ މޭރީ ގްރޭސްގެ މަރުގެ ތުހުމަތުގައެވެ. އޮކްޓޫބަރު، 2021 ގައި މޭރީ މަރާލި މައްސަލާގައި ލަމްހާގެ މައްޗަށް ދައުލަތުން ދައުވާ ކުރެއެވެ. ލަމްހާގެ ލޯބިވެރިޔާ އަދި މޭރީގެ ފިރިމީހާ، އޭނާގެ ފިރިމީހާ މާވިންގެ މައްޗަށްވެސް އެ މައްސަލައިގައި ދައުލަތުން ދައުވާ ކުރެ އެވެ.
އެ މައްސަލާގައި ގިނަ ދުވަސްތަކެއް ވަންދެން ލަމްހާ ބަންދުގައި ބެހެއްޓުމަށް ފަހު މިދިޔަ އަހަރުގެ ފަހުކޮޅު ކްރިމިނަލް ކޯޓުން އޭނާ ޝަރުތުތަކަކާއެކު ދޫކޮށްލުމުން، ހައިކޯޓުން އަލުން އޭނާ ބަންދު ކުރި އެވެ.
ލަމްހާގެ މައްސަލާގައި ކްރިމިނަލް ކޯޓުގައި މިއަދު ބޭއްވި އަޑުއެހުމުގައި އޭނާގެ ވަކީލް ވިދާޅުވީ ލަމްހާ ބަންދުގައި ބަހައްޓަން ޖެހޭ ސަބަބެއް އޮތް ކަމަށް ގަބޫލު ނުކުރެވޭ ކަމަށާއި އަދި ބަންދު ދިގުލައިގެން ދިޔުމުގެ ސަބަބުން އޭނާގެ ހައްގުތައް ގެއްލެމުންދާ ކަމަށެވެ. އެހެންކަމުން ވަކީލް އެދިވަޑައިގަތީ އޭނާގެ ބަންދު ލުއިކޮށްދިނުމަށެވެ. ނަމަވެސް، ދައުލަތުން ވަނީ ލަމްހާގެ ބަންދަށް ލުއި ދިނުމާ ދެކޮޅު ހަދާފައެވެ. މި މައްސަލަ ބައްލަވާ ގާޒީ ހުސެއިން ފާއިޒް ރަޝާދު ވަނީ ލަމްހާގެ ބަންދާ މެދު މާދަމާ ގޮތެއް ކަނޑައަޅާނެ ކަމަށް ވިދާޅުވެފަ އެވެ.
