އިއްޔެ ބޭއްވި ނޫސްވެރިންގއެ ބައްދަލުވުމުގައި އެ މިނިސްޓްރީގެ ޑިރެކްޓާ ޖެނެރަލް ޝާފިޔާ ނައީމް ވިދާޅުވީ ލޮނުފެނުގެ މާހައުލުގައި އުޅޭ މަސް ރާއްޖެއަށް އެ ތެރެކުރުމުގެ ހުއްދަ ދިނުމުގެ މައްސަލާގައި ފުރަތަމަ ކަމަކަށް އޮތީ ލޮނުފެނުގައި ދިރިއުޅޭ އެއްޗެއް ރާއްޖެއަށް އެތެރެކުރާ ކަމަންވާނަމަ އަސްލު އެ އެއްޗެއް މޫދުގެ މާހައުލަށް ދޫވުމުގެ ސަބަބުން ކޮށްފާނެ އަސަރެއްގެ ސަބަބު ކަމަށެވެ.
އެހެން ކަމަށްވުމުން ހަގީގަތުގަިއ އެކަންކުރެވޭނީ ރިސްކް އެސެސްމަންޓްއެއް ހަދާގެން ކަމަށް ޝާފިއާ ވިދާޅުވިއެވެ. އެގޮތުން ފާއިތުވި މިވީހާ ދުވަސްތަކުގައި އެއްޗެހި އެތެރެކުރުމުގެ ހުއްދަ ނުދެވި އޮތް ސަބަބަށް އޭނާ އަލިއަޅުއްވާލިއެވެ.
އެކަމަށް މަގުފަހިކުރުމަށް ފިޝަރީޒް މިނިސްޓްރީގެ ފަރާތުން މިވަގުތު އެގްރިކަލްޗާ، އެނިމަލް ވެލްފެއާ މިނިސްޓްރީއާއެކީގައި މަސައްކަތްތަކެެއް ކުރެވެމުން ދާކަމަށް ޝާފިޔާ ވިދާޅުވިއެވެ.
އެކަމާ ގުޅޭގޮތުން އިތުރަށް މައުލޫމާތު ދެއްވަމުން ފިޝަރީޒް މިނިސްޓަރު އަހުމަދު ޝިޔާމް ވިދާޅުވީ މިނިސްޓްރީން ކަރަންޓީން ފެސިލިޓީއަށް ވަަރަށް ބޮޑު އިމްޕްރޫވްމަންޓްއެއް ގެންނަން ޖެހޭ ކަމަށެވެ. މިހާރު އެއާޕޯޓުގައި މިނިސްޓްރީއަށް ލިބިފައި ހުރި ފެސލިޓީ މީގެ ކުރިން އައީ އެގްރިކަލްޗާ އާއި ފިޝަރީޒް މިނިސްޓްރީ، 2 މިނިސްޓްރީ އެއްކޮށް ބޭނުންކުރަމުން ކަމުގައި ޝިޔާމް ވިދާޅުވިއެވެ.
އެ މިނިސްޓްރީގެ ދަށުގައި އޮތްނަމަވެސް މިހާރުު ފިޝަރީޒް މިނިސްޓްރީގައިވެސް ކަރަންޓީން ކުރަން އަދި ވަކިން ހާއްސަކޮށް މެރިކަލްޗާ ފަދަ ސިނާއަތަަކަށް ހުޅުވާލާއިރު ވަރަށް ބޮޑު ފެސިލިޓީއެއް އޮންނަން ޖެހޭކަމަށް ޝިޔާމް ވިދާޅުވިއެވެ.
އެެހެންނަމަވެސް އުއްމީދުކުރަނީ ފުޅާ ދާއިރާއެއްގައި ކަރަންޓީން ކުރަން ޖެހޭ ފެސިލިޓީއެއް ހުންނަން ޖެހޭނެކަމަށާއި އެހެންކަމުން އެއާ އެކީ އެ މަސައްކަތަަކީ ހާއްސަ ސަމާލުކަމެއް ދީގެން ކުރާނެ މަސައްކަތެއް ކަަމަށް ޝިޔާމް ވިދާޅުވިއެވެ. އަދި އެންމެ ފުރަތަމަ ކުރަން ޖެހޭ މަސައްކަތްތަކުގައި އެ މަސައްކަތް ހިމެނޭނެ ކަމުގެ ޔަގީންކަންވެސް މިނިސްޓަރު ދެއްވިއެވެ.
