އދ. ދިގުރަށް: ފޮޓޯ:އައިސްލްސް
ދޯންޏެއްގެ ބުރަފަތީގައި ޖެހި ފަތުރުވެރިޔަކު މަރުވެއްޖެ
މުހައްމަދު އާދަމް އަހްމަދު
08 ނޮވެންބަރ 2024 - 16:34:11
ދޯންޏެއްގެ ބުރަފަތީގައި ޖެހި ފަތުރުވެރިޔަކު މަރުވެއްޖެއެވެ.
Advertisement
މި ހާދިސާ ހިނގާފައިވަނީ އދ ދިގުރަށް ކައިރީގައެވެ. އެރަށް ކައިރި ސްނޯކަލް ކުރަން ދިޔަ ފަތުރުވެރިޔާ މަރުވީ ދޯނީގެ ބުރަފަތީގައި ޖެހި ލިބުނު ޒަހަމުތަކުގެ ސަބަބުންނެވެ.
މިއަދު ހެނދުނު ހިނގި މި ހާދިސާގައި މަރުވެފައިވަނީ އަންހެނެކެވެ. އެހެންނަމަވެސް އެއީ ކޮން ގައުމެއްގެ މީހެއްކަން އަދި ސާފެއް ނުވެއެވެ.
އެނގިފައިވާ ގޮތުގައި މިމީހާ މަރުވީ ދޯނިން ފުންމާލި ވަގުތު، ދޯނީގެ ބުރަފަތީގައި ޖެހިގެންނެވެ. އަދި މަރުވީ އެމީހާގެ ހަށިގަނޑުގެ ވަރަށް ގިނަ ތަންތަން ކަފައިގެން ގޮސް ލޭ މަނާ ނުވެގެންކަމަށް އެނގިފައިވެއެވެ. އެމީހާ އަށް ފަރުވާދިނުމަށް ދިގުރަށަށް ްގެންދިޔައިރުވެސް މަރުވެފައިވާކަމަށް އެރަށު މީހުން ބުނެއެވެ.
ފުލުހުން އަންނަނީ މި މައްސަލަ ތަހުގީގުކުރަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
