މާފުށީ ޖަލުގެ ގޮޅިއެއް ކްލަބެއް ގޮތަށް ދިއްލައި، ޑެކަރޭޓް ކޮށްފައިވާ މަންޒަރު ފެންނަ ވީޑިއޯއެއް ސޯޝަލް މީޑިއާގައި ވަނީ ދައުރުވާން ފަށާފައެވެ.
މި ވީޑިއޯގައި ފެންނަނީ ޖަލުގެ ގޮޅިއެއް އެކު ކުލަތަކުން ދިއްލާފައިވާ ތަނެވެެ. އަދި އެ ގޮޅީގެ ފާރުތަކުގައި ވޯލް ޕޭޕަރު ޖަހާ ޒީނަތްތެރިކޮށްފައިވާއިރު އެ ގޮޅިގައި މީހުން ތިބޭތަންވެސް ފެނެއެވެ. އަދި އެ ފެންނަ މީހުންތައް ތިބެނީ ފޯނާއި ކުޅެންކަންވެސް ވީޑިއޯއިން ފެނެއެވެ.
މިކަމާއި ގުޅިގެން ކަރެކްޝަަންސް ސާވިސް އިން މިއަދު ނެރުނު ބަޔާނެއްގައި ބުނީ އެއީ މާކުރީގެ ވީޑިއޯއެއް ކަމަށެވެ. އަދި 2022 ވަނަ އަަހަރުން ފެށިގެން އެކި ފަހަރު މަތިން އެ ވީޑިއޯ ވައިރަލް ކުރަމުން އަންނަކަމަށް ކަރެކްޝަނުން ބުނެއެވެ.
ސަލާމަތާއި ގުޅުން ހުންނަ އިދާރާތަކުގެ ވީޑިއޯތައް އާއްމުކުރުމުގެ ކުރިން އެތަންތަނުން އެކަމާއި ގުޅޭ މައުލޫމާތު ހޯދުމަށް ޖަލުތައް ބަލަހައްޓާ ކަރެކްޝަނުން ނެރުނު ބަޔާނުގައިވަނީ އެދިފައެވެ.
