އަންނަ އަހަރުގެ ބަޖެޓްގައި ފިއުލް ހެޖިންއަށް 216 މިލިއަން ރުފިޔާ ވަނީ ހިމަނާފައެވެ.
ފިއުލް ހެޖިންއަކީ ދެ ފަރާތުން ކަނޑައަޅާ އަގެއްގައި ތެޔޮ ގަތުމަށް ވަކި މުއްދަތެއް ވަންދަން އެކުލަވާލެވޭ އެއްބަސްވުމެކެވެ. މި އެއްބަސްވުމުގެ މުއްދަތު ދުނިޔޭގެ ބާޒާރުގައި ތެލުގެ އަގަށް ބަދަލަށް އައިނަމަވެސް ސަރުކާރުން ތެޔޮ ގަންނަމުން އަންނަނީ އެއްބަސްވުމުގައިވާ އަގަށެވެ.
އަންނަ އަހަރަށް ލަފާކުރާ ބަޖެޓުގައި ފިއުލް ހެޖިން ހިމަނާފައިވާއިރު އެކަމާއި ގުޅިގެން ކުރަންޖެހޭ މަޝްވަރާތައް ކުރަމުން އަންނަކަމަށް ފިނޭންސް މިނިސްޓްރީން ބުނެއެވެ. އަދި އެކަމުގެ އިދާރީ ކަންކަމަށް ހަރަދު ކުރަން މިއަހަރުގެ ބަޖެޓުގައިވެސް 108 މިލިއަން ރުފިޔާ ހިމަނާފައިވެއެވެ.
ސަރުކާރުން ވަނީ މިއަހަރު ތެލުގެ ސަބްސިޑީއަށް ވަނީ 1.3 ބިލިއަން ރުފިޔާ ހަރަދުވާނެކަމަށް ބުނެފައެވެ. މި އަދަދު މިދިޔަ އަހަރު ހުރީ 1.9 ބިލިއަން ރުފިޔާގައެވެ.
