ރައީސް މުއިއްޒު ފަލަސްތީނުގެ ރައީސް މަހުމޫދު އައްބާސްއާއެކު
ފަލަސްތީނުގެ މިނިވަންކަމަށް ބާއްވާ ސަމިޓަކަށް މިރޭ ރައީސް ފުރަނީ
މުހައްމަދު އާދަމް އަހްމަދު
10 ނޮވެންބަރ 2024 - 22:36:07
ފަލަސްތީނުގެ މިނިވަން ދައުލަތުގެ ގޮތުގައި ހެދުމަށް ސައުދީގައި ބާއްވާ ސަމިޓުގައި ބައިވެރިވަޑައިގަތުމަށް މިރޭ ރައީސް ޑރ، މުހައްމަދު މުއިއްޒު ފުރާވަޑައިގަންނަވާނެކަމަށް އެމަނިކުފާނު ވިދާޅުވެއްޖެެއެވެ.
Advertisement
ޖުމްހޫރީ ދުވަހުގެ މުނާސަބަތުގައި ބޭއްވި ޖަލްސާގައި ވާހަކަ ދައްކަވަމުން ރައީސް މުއިއްޒު ވިދާޅުވީ އެމަނިކުފާނަށް އެންމެ މުހިއްމު މަސައްކަތަކީ ފަލަސްތީނުގެ މައްސަލަކަމަށެވެ. އެގޮތުން ފަލަސްތީނު މައްސަލާގައި އެންމެ ވަރުގަދައަށް ޖެހިލުމެތް ނެތި ވަކާލާތުކުރަމުން އަންނަކަމަށް ރައީސް ވިދާޅުވިއެވެ.
އަޅުގަނޑުމެން ދާނީ ކެރިގެން ފަލަސްތީނުގެ ރައްޔިތުންގެ ހައްގުގައި ޖިހާދުކުރަމުން. އެއީ އަޅުގަނޑުމެން ފަހްރުވެރިވާކަމެއް." ރައީސް މުއިއްޒު ވިދާޅުވިއެވެ.
ރައީސް މުއިއްޒު ވިދާޅުވީ ސައުދީ ރަސްގެފާނު ބާއްވާ އޯއިސީ ސަމިޓަކަށް މިރޭ ދަންވަރު އެމަނިކުފާނު ފުރާނެކަމަށެވެ. އެ ސަަމިޓަކީ ފަސްތީނު މިނިވަން ދައުލަތެއްގެ ގޮތުގައި ކަނޑައެޅުމާއި ގުޅޭ ގޮތުން މަޝްވަރާ ކުރުމަށް ބާއްވާ ސަމިޓެއްކަމަށެވެ.
" ސައުދީ އަރަބިޔާއަކީ އިސްލާމީ ދުނިޔޭގެ ލީޑަރު. އިސްލާމީ ދުނިޔޭގައި އެންމެ އިސްނަގައިގެން މަސައްކަތް ކުރާ އަޅުގަޑުމެން އެންމެ ފަހްރުވެރިވާ ގައުމު. ސއުދީ ރަސްގެފާނު އެ ކުރާ މަސައްކަތުގައި އަޅުގަނޑުމެން ފުރިހަމަ ބައިވެރިވަން. " ރައީސް މުއިއްޒު ވިދާޅުވިއެވެ.
ރައީސް މުއިއްޒު ވިދާޅުވީ މި ސައމިޓްގައި ފަަސްތީނުގެ މައްސަލާގައި ރާއްޖޭގެ ފަރާތުން އަޑު އިއްވާނެކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
