އޭޑީބީން ދޭ ލޯނުގެ އެހީގައި ހިމެނެނީ ހަތަރު މިލިއަން ޑޮލަރުގެ ލުއި ލޯނަކާއި އެންމެ ފަގީރު އަދި ތަރައްގީވަމުން އަންނަ ގައުމުތަކަށް ދޭ 17.95 މިލިއަން ޑޮލަރުގެ ހިލޭ އެހީއެކެވެ.
މި އެހީގެ ދަށުން އައްޑޫ ސިޓީއާއި މާލޭގައި ހުރި އާލީ ވާނިން ސިސްޓަމްތައް އަޕްގްރޭޑްކުރަން ވަނީ ނިންމާފައެވެ.
ކުޅުދުއްފުށި ސިޓީގައި ފެން ބޮޑުވުން ހައްލުކުރަން ފެން ހިންދާ ނިޒާމާއި ފިލްޓަރޭޝަން ނިޒާމު ގާއިމުކުރަމަށްވެސް މި އެހީގެ ދަށުން ވަނީ ނިންމާފައެވެ. މީގެއިތުރުން ކުޅުދުށްފުށީގެ ކަނޑޫފާ ސަރަހައްދު އަލުން އާލާކޮށް، ގުދުރަތީ ވެށި ހިމާޔަތްކުރުމަށްވެސް ވަނީ ހަމަޖެހިފައެވެ.
އަދި ހދ. ހަނިމާދޫ އެގްރިކަލްޗާ ސެންޓަރުގައި ދިރާސާ ކުރެވޭނެ މަލްޓިޕާޕަސް ފެލިޓީއެއް ބިނާކުރަން ވެސް ވަނީ ހިމަނާފައެވެ.
އޭޑީބީން ބުނީ ރާއްޖެއަށް ދޭ މި އެހީގައި އައްޑޫ ސިޓީއާއި ހއ. އަތޮޅުގައި ކްލައިމެޓް ސްމާޓް އާބަން ފާމިން ޓެކްނޮލޮޖީ ތައާރަފުކުރާނެ ކަމަށެވެ.
