ads
މެރީ މަރާލި ކަމުގެ ތުހުމަތު ކުރާ ލަމްހާ އާއި މާވިން
ލަމްހާ ތިން މަހަށް ބަންދުން ދޫކޮށްލައިފި
އައިޖީއެމްއެޗްގެ ނަރުހެއް ކަމަށްވާ މޭރީ ގްރޭސް އޮނެޑް ޕިނެޑާގެ މަރުގެ މައްސަލާގައި ޝަރީއަތް ނިމެންދެން ބަންދުކޮށްފައި ހުރި ހަލީމަތު ލަމްހާ އަބްދުއްރަހްމާން ތިން މަސް ދުވަހުގެ މުއްދަތަށް ދޫކޮށްލުމަށް ކްރިމިނަލް ކޯޓުން މިއަދު ނިންމައިފި އެވެ.
Advertisement

ގާޒީ ހުސެއިން ފާއިޒް ރަޝާދު މިއަދު ބޭއްވި އަޑުއެހުމުގައި ވިދާޅުވީ ދައުލަތުގެ ގިނަ ހެކިންތަކެއްގެ ހެކިބަސް ނެގިފައިވާތީ އާއި ބާކީ ތިބި ހެކިންނަކީ ބަންދުން ދޫކޮށްލިޔަސް ހެއްކަށް ނުފޫޒު ފޯރުވުމުގެ ފުރުސަތު ކުޑަ ހެކިތަކަކަށް ވާތީ ލަމްހާ ދޫކޮށްލުމަށް ނިންމެވި ކަމަށެވެ.

ލަމްހާ ދޫކޮށްލާފައި ވަނީ ހަ ޝަރުތަކާ އެކުގައެވެ. އެގޮތުން އޭނާ ރާއްޖެއިން ފުރައިގެން ނުދިއުމަށާއި، ގާނޫނާ ހިލާފު އަމަލެއް ނުކުރުމަށާއި، ކޯޓަށް ގަޑިއަށް ހާޒިރުވުމަށާއި، ޒަރޫރީ ބޭނުމެއްގައި ނޫނީ ގެއިން ބޭރަށް ނުދިއުމަށާއި، މައްސަލައިގެ ހެކިންނާއި މޭރީގެ އާއިލާއާ ބައްދަލު ނުކުރުމަށާއި، ވަކި ގަޑިތަކެއްގައި ގޭގައި ހުރުމަށް އަމުރުކޮށްފައި ވެއެވެ.

ދައުލަތުން މި މައްސަލާގައި ލަމްހާގެ މައްޗަށް ތިން ދައުވާއެއް އުފުލާފައި ވެއެވެ. އޭގެ ތެރޭގައި މޭރީގެ މަރުގައި އެހީތެރިވެދިނުމުގެ ދައުވާ ހިމެނެއެވެ. މި މައްސަލާގައި މޭރީގެ ފިރިމީހާ މާވިންގެ މައްޗަށް ގަސްތުގައި މީހަކު މަރާލުމުގެ ދައުވާ ކޮށްފައި ވެއެވެ.

8%
ކަމުގޮސްފި
6%
އަޑުއެހިތާ މިހުރީ
23%
ސަތޭކައަކުން ސުމެއް
63%
ވަރަށް ސަލާމް
ކޮމެންޓްސް