ޑިމޮކްރެޓްސްގެ މަޖިލީސް ޕްރައިމެރީގެ ތެރެއިން
ރައީސް މުއިއްޒުގެ މެނިފެސްޓޯގައި ރަށްތައް ފަޅުކުރާ ވާހަކައެއް ނެތް: ޑިމޮކްރެޓްސް
ގުފްތަގް އަޖީރު
12 ނޮވެންބަރ 2024 - 16:25:18
ރައީސް މުހައްމަދު މުއިއްޒުގެ މެނިފެސްޓޯގައި ކުދި އާބާދީގެ ރަށްތައް ފަޅުކުރާ ވާހަކައެއް ނެތް ކަމަށް ދަ ޑިމޮކްރެޓްސްގެ ލާމަރުކަޒީ ކޮމިޓީގެ މުގައްރިރު މުހައްމަދު ވަހީދު މިއަދު ވިދާޅުވެއްޖެ އެވެ.
Advertisement
ޑިމޮކްރެޓްސް އިން ބޭއްވި ނޫސްވެރިންގެ ބައްދަލުވުމުގައި ވަހީދު ވިދާޅުވީ، ވެރިކަމަށް ވަޑައިގަތް އިރު ފެނިގެން ދިޔައީ ކުދި އާބާދީތަކުގެ ރަށްތަކަށް ރައީސް ވަޑައިގެން، އެ ރަށްތަކުގައި މަޝްރޫއުތައް ހިންގަން ވައުދުވެވަޑައިގަންނަވާ މަންޒަރު ކަމަށެވެ.
"500 މީހުން ހަމަނުވާ ރަށްތަކަށް ވެސް، 100 މީހުން އުޅޭ ރަށްތަކަށް ވެސް ވަޑައިގެން މަޝްރޫއުތައް ހިންގަން ވައުދުވެވަޑައިގަތް. އެއްވެސް ކަމެއް ހުއްޓާނުލައްވާނެ ކަމަށް ވިދާޅުވި. މިހާރު އެކަން އެގޮތަށް ނުކުރައްވާނަމަ އިންތިހާބުގައި އެ ވާހަކަ ދައްކަވަން ޖެހޭނެ،" ވަހީދު ވިދާޅުވި އެވެ.
ވަހީދު ވިދާޅުވީ ދައުލަތުން އެއްފަޅިއަކަށް އަރައިފިއްޔާ ރަށެއްގެ މެޖޯރިޓީ ވަކި ކޮޅަކަށް އަނބުރާލުމަކީ ދަތިކަމެއް ނޫން ކަމަށެވެ. އަދި ރަށަކުން އެހެން ތަނަކަށް ނުވަތަ ރަށަކަށް ބަދަލުވުމުގެ އިހްތިޔާރު އެ ރަށެއްގެ ރައްޔިތުންނަށް އޮންނަން ޖެހޭނެ ކަމަށް ވެސް ވިދާޅުވި އެވެ.
ކުރީގެ މެންބަރު އިބްރާހިމް ވަހީދު (ވައްޑޭ)
ޑިމޮކްރެޓްސް އިން ފާހަގަކުރި ބައެއް ކަންކަން:
- ރައީސް މުއިއްޒުގެ މެނިފެސްޓޯގައި ކުދި އާބާދީގެ ރަށްތައް ފަޅުކުރާ ވާހަކައެއް ނެތް
- ކުދި އާބާދީގެ ރަށްތަކަށް ވެސް މަޝްރޫއުތައް ހިންގުމަށް ރައީސް ވައުދުވެވަޑައިގެންފައިވޭ
- ރަށްތައް ބަދަލުކުރުމުގައި ރައްޔިތުންގެ އިހްތިޔާރު އޮންނަންޖެހޭނެ ކަމަށް ޑިމޮކްރެޓްސް އިން ބުނޭ
- ދައުލަތުން އެއްފަޅިއަކަށް އަރައިފިއްޔާ ރަށެއްގެ މެޖޯރިޓީ ވަކި ކޮޅަކަށް އަނބުރާލުމަކީ ދަތިކަމެއް ނޫންކަމަށް އެ ޕާޓީން ބުނި
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
