Advertisement

ފިނޭންސް މިނިސްޓްރީން ބުނީ މި ބަދަލު ގެންނަން ނިންމީ އަންނަ އަހަރުގެ އޭޕްރީލް މަހުން ފެށިގެން ކަމަށެވެ. މިހާރު ދުވަސްވީ މީހުންނަށް ދޭ އެލަވަންސަށް އަހަރަކު 1.3 ބިލިއަން ރުފިޔާ ހޭދަކުރާ އިރު، އަންނަ އަހަރު އެ އަދަދު 1.5 ބިލިއަން ރުފިޔާއަށް އިތުރުވާނެ ކަމަށް ލަފާކުރެވޭ ކަމަށް އެ މިނިސްޓްރީން ބުންޏެވެ.

ޕެންޝަން ނިޒާމު ދެމެހެއްޓެނިވި ގޮތެއްގައި ކުރިއަށް ގެންދިއުމަށް ޓަކައި ގިނަ އިސްލާހީ ފިޔަވަޅުތަކެއް އަޅަން ވަނީ ނިންމައިފަ އެވެ. އެގޮތުން މުއައްސަސާތަކުން ޕެންޝަނަށް ދޭ އަދަދުތަކުގެ ފަރަގުތައް ނައްތާލައި، އެއް ހަމައަކުން އިނާޔަތްތައް ދޭން ވެސް ވަނީ ނިންމައިފަ އެވެ.

މި ބަދަލުތަކާ އެކު، ޕެންޝަންގެ އިނާޔަތް ބަދަލުވާނީ ޓާގެޓް ޕެންޝަން ނިޒާމަކަށް ކަމަށް ފިނޭންސް މިނިސްޓްރީން ބުންޏެވެ.

ޕެންޝަން ސްކީމަށް އަންނަ ބަދަލުތައް: 

• އުމުރުން ދުވަސްވީ މީހުންގެ އެލަވަންސް ދޭނީ މާލީ ތަނަވަސްކަން ނެތް ފަރާތްތަކަށް
• މި ބަދަލު ތަންފީޒުކުރަން ފަށާނީ 2024 އޭޕްރީލް މަހުން
• މިހާރު އަހަރަކު 1.3 ބިލިއަން ރުފިޔާ ހޭދަކުރޭ
• އަންނަ އަހަރު 1.5 ބިލިއަން ރުފިޔާއަށް އިތުރުވާނެ ކަމަށް ލަފާކުރޭ
• މުއައްސަސާތަކުން ޕެންޝަނަށް ދޭ އަދަދުތަކުގެ ފަރަގުތައް ނައްތާލުމަށް ނިންމައިފި