ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި ބިނާކުރެއްވި އިސްލާމީ މަރުކަށް މިދިޔަ ނޮވެމްބަރު 11 އަށް ވަނީ 40 އަހަރު ފުރިފައެވެ.
އިސްލާމިކް މިނިސްޓަރު ޑރ. މުހައްމދު ޝަހީމް އަލީ ސައީދު ވިދާޅުވީ މަރުކަޒަށް 40 އަހަރު ފުރުމާ ގުޅިގެން ހާއްސަ ޖަލްސާއެއް ބޭއްވުމަށް ރައީސް ޑރ. މުއިއްޒު ވަނީ އިރުޝާދު ދެއްވާފައިވާކަމަށެވެ. އަދި އަންނަ އަހަރު އެ ަރުކަޒުގެ ފުރިހަމަ މަރާމާތެއް ކުރުމަށް ނިންމާފައިވާކަމަށް މިނިސްޓަރު ވިދާޅުވިއެވެ.
އިސްލާމީ މަރުކަޒު އެޅުމުގެ ރަސްމީ މަސައްކަތް ފެށުނީ 1982 ވަނަ އަހަރުގެ ނޮވެންބަރުމަހުގެ 11 ވަނަ ދުވަހުއެވެ. އެތން އޭގެ ދެ އަހަރު ފަހުން ނިންމާ ރަސްމީކޮށް ހުޅުވީ 1984 ވަނަ އަހަރުގެ ނޮވެންބަރު މަހުގެ 11 ވަނަ ދުވަހުއެވެ.
އިސްލާމީ މަރުކަޒަކީ އިސްލާމީ އެކި ގައުމުތަކުގެ އެހީގައި ބިނާކޮށްފައިވާ ތަނެކެވެ.
އިސްލާމީ މަރުކަޒު އިމާރާަތްކޮށްފައިވަނީ މެލޭޝިއާގެ ވެރިރަށް ކުއާލަ ލަމްޕޫރުގެ ބަންގްސާގައި ހުންނަ މިސްކިތެއް ނަމޫނާއަކަށް ބަލައިގެން އެތަނާއި އެއްގޮތަށެވެ. މަރުކަޒުގެ ޑިޒައިންވެސް ކުރެހީ އެ މިސްކިތް ކުރެހި އާކިޓެކްޓެކެވެ.
