މިފްކޯ އިން މާންމުކޮށްފައިވާ މިދިޔައަހަރުގެ މާލީ ރިޕޯޓުން ދައްކާ ގޮތުގައި މިދިޔަ އަހަރު ފަސްމީރު އުފެއްދުންތައް ވިއްކައިގެން 322 މިލިއަން ރުފިޔާ ލިބިފައިވެ އެވެ.
މިފްކޯގެ މާލީ ރިޕޯޓުން ދައްކާ ގޮތުގައި 2022 ވަނަ އަހަރު ލިބުނު 258 މިލިއަން ރުފިޔާއާ އަޅާ ބަލާއިރު މިއީ 35 ޕަސަންޓުގެ ކުރިއެރުމެކެވެ. މީގެ އިތުރުން ދަޅުމަހާއި ޕައުޗްގައި ބަންދުކުރި މަހުގެ ވިޔަފާރިންވެސް ވަނީ ބޮޑު ކުރިއެރުމެއް ލިބިފަ އެވެ.
މިފްކޯއިން ބުނީ ދަޅުމަހާއި ޕައުޗްގައި ބަންދުކުރި މަސް ވިއްކައިގެން 2023 ވަނަ އަހަރު 287 މިލިއަން ރުފިޔާ ލިބިފައިވާ އިރު، 2022 ވަނަ އަހަރު ލިބުނީ 229 މިލިއަން ރުފިޔާ އެވެ. އަދި ވަޅޯމަސް ވިއްކައިގެން 2023 ވަނަ އަހަރު 24 މިލިއަން ރުފިޔާ ލިބުނު އިރު، 2022 ވަނަ އަހަރު ލިބުނީ 17 މިލިއަން ރުފިޔާ އެވެ.
ގަނޑުކުރި ކަންނެލި ވިއްކައިގެން މިދިޔަ އަހަރު 10.5 މިލިއަން ރުފިޔާ ލިބުނު އިރު، 2022 ވަނަ އަހަރު ލިބުނީ 8.14 މިލިއަން ރުފިޔާ އެވެ. މިފްކޯއިން ބުނީ މިދިޔަ އަހަރު ރާއްޖެއިން އެކްސްޕޯޓް ކުރި މަހުގެ އަދަދުވެސް 2022 ވަނަ އަހަރާ އަޅާބަލާއިރު އިތުރުވެފައިވާ ކަމަށެވެ.
