އެމްއެންޔޫއިން ބުނީ، ތޮއްޑޫގައި ތިބެގެން މަތީ ތައުލީމު ހާސިލުކުރުމުގެ ފުރުސަތު ލިބުމުން، ވަޒީފާގެ ފުރުސަތުތައް އިތުރުވާނެ ކަމަށެވެ.
މީގެއިތުރުން، ފެކަލްޓީ ގާއިމުކުރެވުމާ އެއްކޮށް، ދިވެހިރާއްޖޭގެ ދަނޑުވެރިކަމުގެ ދާއިރާއަށް ޒަމާނީ ޓެކްނޮލޮޖީއާއި އުފެއްދުންތެރި ޚިޔާލުތައް ތައާރަފުވާނެ ކަމަށާއި ގައުމުގެ އިގްތިޞާދަށް އިތުރު ފުރުސަތުތަކެއް ހުޅުވިގެންދާނެ ކަމަށް އެމްއެންޔޫއިން ބުނެފައިވެއެ ވެ.
އެމްއެންޔޫއިން އިތުރަށް ބުނި ގޮތުގައި، މި ފެކަލްޓީގައި ހަތަރު ޑިޕާޓްމަންޓެއް ގާއިމުކުރާނެއެވެ. އޭގެތެރޭގައި، ޑިޕާޓްމަންޓް އޮފް ހޯޓިކަލްޗާއާއި ޑިޕާޓްމަންޓް އޮފް ޕްލާންޓް ޕްރޮޖެކްޝަންއާއި ޑިޕާޓްމަންޓް އޮފް ސޮއިލް އެންޑް ވޯޓާ މެނޭޖްމަންޓުގެ އިތުރުން ޑިޕާޓްމަންޓް އޮފް ފުޑް ސައިންސަސް އެންޑް ޓެކޮނޮލޮޖީ ހިމެނެ އެވެ.
އެގޮތުން، ކޮންމެ ޑީޕާޓުމަންޓެއްގައި ވެސް ޒަމާނީ ވަސީލަތްތަކާ އެއްކޮށް ހާއްސަ ލެބޯޓްރީތައް ގާއިމުކުރާނެ ކަމަށާއި އެ ވަސީލަތްތަކުގެ ސަބަބުން ދަރިވަރުންނަށް އަމަލީ ތަޖުރިބާ ލިބި، ދަނޑުވެރިމުގެ ދާއިރާ ތަރައްގީކުރަން ބޭނުންވާ ޒުވާނުން ތައްޔާރު ކުރުމަށް މަގުފަހިވާނެ ކަމަށް އެ ޔުނިވާސިޓީން ބުނެފައި ވެއެވެ.
