މިސް ޔުނިވާސް މުބާރާތުގައި ރޭ ބޭއްވި ޕްރިލިމިނަރީ ބުރުގައި މުބާރާތުގެ ހުރިހާ ބައިވެރިންވަނީ އެ ގައުމުތަކެއްގެ "ގައުމީ ހެދުން" ދައްކާފައެވެ.
ރާއްޖެއިން ވާދަކުރާ ޝައިނާ ނުކުތީ ދިވެހިގެ މަސައްކަތް ތެރިކަން ދައްކާއިދޭ ނަލަ ދިވެހި ލިބާހުގައެވެ. ޝައިނާ ހުރީ ބޯވަޅު އެޅި ރަތް ލިބާހުގައި ދިވެހިން ސަގާފަތް ދައްކާލަ ދެމުން ދިވެހި ވަންތަކޮށެވެ. ލިބާހާއި އެކު ފޭލި އަނދަގެން ހުރި ޝައިނާ ވަނީ ދިވެހި ލިބާހުގެ ނަލަކަން އަޅައިގެން ހުރި ފައްޓާރާއި އެކު އިތުރަށް ފުރިހަމަކަން ގެނުވާފައެވެ.
މިސް ޔުނިވާސްގެ ސްޓޭޖްގައި ޝައިނާ ދައްކާލީ ދިވެހިން ސަގާފަތާއި ދިވެހި މަސައްކަތްތެރިކަމާއި ދިވެހި ވަންތަކަމެވެ.
މުބާރާތުގެ ސެމީ ފައިނަލިސްޓުން ހޮވުން ދެން އޮންނަ އިރު އޭނާއަށް ވޯޓު ދިނުމަށް ދިވެހިންގެ ކިބައިން އެދިފައެވެ. ސެމީ-ފައިނަލިސްޓް ހޮވާނީ އާންމުންގެ ވޯޓުންނެވެ. މުބާރާތުގެ ފިނާލޭ އޮންނާނީ އަންނަ އާދިއްތަ ދުވަހުގެ ރެއެވެ.
ޝައިނާއަށް ވޯޓު ދިނުމަށް މި މި ލިންކަށް ޒިޔާރަށް ކުރަރަން އޭނާ އެދެއެވެ.
21 އަހަރުގެ ޝައިނާ އަކީ ޓޮޕް މޮޑެލް މޯލްޑިވްސް 2022 ކާމިޔާބުކުރި ފަރާތެވެ. މިސް ޔުނިވާސްގެ 73 ވަނަ މުބާރާތުގައި 130 ގައުމަކުން ބައިވެރިވާއިރު، ދިވެހިރާއްޖެ އަކީ މި މުބާރާތުގައި އަލަށް ބައިވެރިވާ ގައުމެކެވެ.
ޝައިނާ ވަނީ މި މުބާރާތް ބަލަން މެކްސިކޯއަށް ދާން ދެ މީހަކަށް ޓިކެޓް ދޭނެ ކަމަށްވެސް އިއުލާނުކޮށްފަ އެވެ.
