އައިއެފްޖޭ އާއި މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އިން މިއަދު ނެރުނު ބަޔާނުގައި ބުނެފައިވަނީ އެއްވެސް ބަޔަކާ މަޝްވަރާ ނުކޮށް ހުށަހަޅާފައިވާ މި ބިލުގެ ސަބަބުން ސަރުކާރު ޖަވާބުދާރީ ކުރުވުމުގައި ނޫސްވެރިންނަށް އޮތް ފުރުސަތު ގެއްލިގެންދާނެ ކަމަށެވެ.
ބިލުގައިވާ ގޮތުން މީޑިއާތަކާއި ވަކިވަކި ނޫސްވެރިން ޖޫރިމަނާ ކުރުމުގެ ބާރު ލިބިގެންދާއިރު، މީޑިއާތައް 50،000 ރުފިޔާއިން ޖޫރިމަނާ ކުރެވޭނެއެވެ. އަދި ވަކިވަކި ނޫސްވެރިން 10،000 ރުފިޔާއިން ޖޫރިމަނާ ކުރެވޭނެއެވެ.
އެމްޖޭއޭ އިން ބުނީ މީޑިއާތައް ރެގިއުލޭޓް ކުރަންވާނީ އެހެން އެއްވެސް ފަރާތެއްގެ ނުފޫޒެއް ނެތި، މީޑިއާތަކަށް މިނިވަންކަމާއެކު މަސައްކަތް ކުރެވޭނެ ގޮތަކަށް ކަމަށެވެ. އަދި މި ބިލު ފާސްވެއްޖެނަމަ މީޑިއާގެ މިނިވަންކަން ގެއްލި، ކުރީގެ ހާލަތަށް އަނބުރާ ދާނެކަމުގެ ބިރު އޮތް ކަމަށް ބުނެފައިވެއެވެ.
