މި ސަރުކާރަށް އަހަރެއް ފުރުމުގެ މުނާސަބަތުގައި ބޭއްވި ޖަލްސާގައި ވާހަކަ ދައްކަވަމުން ރައީސް ޑރ. މުއިއްޒު ވިދާޅުވީ ރައްޔިތުން ހުށަހަޅާފައިވާ އާރް.ޓީ.އައި. ތަކުގެތެރެއިން ގާތްގަނޑަކަށް 91 އިންސަތަ އާރް.ޓީ.އައި. އަށް ސަރުކާރުން ޖަވާބުދާރީވެފައިވާނެކަމަށެވެ.
ސަރުކާރުގެ ވެބަސައިޓުގެ ނަމުގައި ވެބަސައިޓެއް ހަދާ، މައުލޫމާރު ފޯރުކޮށްދެމުންދާކަމަށާއި ވަޒީރުންގެ މަޖިލީހުގެ ނިންމުންތަކަށްވެސް ހާއްސަ ވެބްސައިޓެއް ހަދާފައިވާކަމަށް ރައީސް މުއިއްޒު ވިދާޅުވިއެވެ.
މީގެ އިތުރުން މިިދިޔަ އެއް އަހަރުގެ ތެރޭގައި 791 ފަހަރު ވުޒާރާތަކުންނާއި ވަޒީރުން އެކި މީޑިއާތަކަށް މަޢުލޫމާތުދީފައިވާކަމަށާއި 73 ނޫސްވެރިންގެ ބައްދަލުވުން ބާއްވާފައިވާކަމަށްވެސް ރައީސް ވިދާޅުވިއެވެ.
ސަރުކާރަށް އަހަރެއް ވުމާއި ގުޅިގެން ބޭއްވި ޖަލްސާގައި ވާހަކަ ދައްކަވަމުން ރައީސް މުއިއްޒުި ވިދާޅުވީ
މި ސަރުކާރު ކުރިއަށްގެންދާނީ ރައްޔިތުން އެދޭ ގޮތަށް ރައްޔިތުންގެ އަޑުއަހައިގެންކަމަށެވެ.
ރައީސް ޑރ. މުއިއްޒު މިހެން ވިދާޅުވެފައިވާއިރު ސަރުކާރުގެ ބައެއް އިދާރާތަކުން މައުލުމާތު ނުލިބިގެން މީޑިއާތަކުން ވަނީ އެ މައްސަލަ އިންފޮމޭޝަން ކޮމިޝަނަށް ހުށައަޅާފައެވެ. ހާއްސަ ސަރުކާރުގައި ތިބި ސިޔާސީ މުވައްޒަފުންގެ އަދަދު ހޯދަން އެކި އިދާރާތަކަށް ހުށައެޅި ހުށެއެޅުންތަކަށް އިންފޮމޭޝަން ކޮމިޝަނުން އެދުމުންވެސް ޖަވާބު ދީފައިނުވެއެވެ.
