އަލް ހިލާލަށް ނޭމާ ސޮއި ކުރިނަމަވެސް ގިނަ ދުވަސްތަކެއް ދިޔައީ އަނިޔާގެ ސަބަބުން ނޭމާއަށް ނުކުޅެވިއެވެ. އަހަރެއްހާ ދުވަހު އަނިޔާގެ ސަބަބުން ނުކުޅެ ހުރުމަށް ފަހު އެނބުރި އައިތާ ދެ ހަފްތާއެއްހާ ދުވަސް ނުވެ އަލުން އަނިޔާވެގެން މިހާރު އޭނާއަކަށް އަނެއްކާވެސް ނުކުޅެވެއެވެ.
ރިޕޯޓްތައް ބުނާ ގޮތުން ނޭމާގެ ބޭނުމެއް ނުކުރެވޭތީ އެ ކްލަބުން ދެކޭ ގޮތުގައި ނޭމާއަށް ކުރި އިންވެސްޓަކީ ބޭކާރު އިންވެސްޓްއެކެވެ. ނޭމާ އަލުން އެނބުރި އޭނާގެ ކުރީގެ ކްލަބު ކަމަށްވާ ބްރެޒިލްގެ ސަންޓޯސްއަށް ބަދަލުވާނެ ކަމުގެ އަޑުތައްވަނީ އަރާފައެވެ. އުމުރުން 32 އަހަރުގެ ނޭމާ، އޭނާ ފުރަތަމަ ފަހަރަށް ކުޅުނު ކްލަބު ކަމަށްވާ ސަންޓޯސްއާއެކު އެއްބަސްވުމަކަށް އައުމުގެ މަގުމަތީގައިވާ ކަމަށް ރިޕޯތްތައް ބުނެއެވެ. އަދި އަލް ހިލާލްގެ ކޮންޓްރެކްޓް ބާތިލުކުރާނެ ކަން ވަރަށް އަވަހަށް އިއުލާން ކުރާނެ ކަމަށްވެސް ރިޕޯޓްތައް ބުނެއެވެ.
ސަންތޯސްއަކީ ނޭމާ ކުޑައިރުގެ ކްލަބެވެ. ސްޕެއިންގެ ބާސެލޯނާއަށް ނޭމާ ބަދަލުވީ ބްރެޒިލްގެ ސަންތޯސްއިންނެވެ.
އަންނަ ސީޒަންގެ ނިޔަލަށް ހިލާލްއާއެކު ހަދާފައިވާ ކޮންޓްރެކްޓްގެ މުއްދަތު ހަމަވާއިރު، ކޮންޓްރެކްޓް އާނުކޮށްފިނަމަ ނޭމާ ފްރީ އެޖެންޓެއްގެ ގޮތުގައި ބޭނުން ކުލަބަކަށް ބަދަލުވެވޭނެއެވެ.
