ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ދައުލަތުގެ މީޑިއާ މެދުވެރިކޮށް، ވިދާޅުވި ގޮތުގައި މިހާރު މަގުމަތީ ލައިޓްތައް ދިއްލަނީ ޓައިމަރެއް ބޭނުންކޮށްގެންނެވެ. އެހެންކަމުން ކޮންމެ ދުވަހަކު 40 މިނެޓު ވަރު އިތުރަށް ލައިޓްތައް ދިއްލިފައި ހުރެ އެވެ. މިއީ އަހަރެއްގެ މައްޗަށް ވަރަށް ބޮޑު އިސްރާފެއް ކަމަށް އޭނާ ވިދާޅުވި އެވެ.
މި މައްސަލަ ހައްލުކުރުމަށް ސްޓެލްކޯއިން ގެންނަން ނިންމި އާ ނިޒާމުގެ ދަށުން، ލައިޓްތައް ދިއްލައި ނިއްވުމުގެ ބާރު ސްޓެލްކޯއަށް ލިބިގެންދާނެ އެވެ. މި ނިޒާމަކީ ސްމާޓް މީޓަރު ސިސްޓަމްގެ ތެރެއިން ގެންނަ ބަދަލެކެވެ. މި ނިޒާމުގެ ދަށުން އޮޓޮމެޓިކުން އަދި މެނުއަލްކޮށްވެސް ލައިޓްތައް ދިއްލައި ނިއްވޭނެ އެވެ.
ސްޓެލްކޯއިން މިހާރު ދަނީ ސްމާޓް މީޓަރު ހަރުކުރުމުގެ މަސައްކަތްތަކެއްވެސް ކުރަމުންނެވެ. އަންނަ އަހަރު ނިމުމުގެ ކުރިން ސްޓެލްކޯގެ ހުރިހާ ކަސްޓަމަރުންނަށް ސްމާޓް މީޓަރުގެ ހިދުމަތް ފޯރުކޮށްދޭނެ ކަމަށް ފަހުމީ ވިދާޅުވި އެވެ.
