މިމަހުގެ 11 ވަނދުވަހުގެރޭ ރޭ ހުޅުމާލޭގައި ކާރެއްގައި މީހަކު ރަހީނުކޮށް އަނިޔާކޮށް، ފައިސާ ހޯދަން ޑިމާންޑް ކުރި މައްސަލާގައި ފަސް މީހަކު ހައްޔަރުކުރިއެވެ.
މި މައްސަލާގައި ހައްޔަރު ކުރި މީހުންގެ ތެރޭގައި އެއްގެޔަކަށް ނިސްބަތްވާ ދެމީހުންވެސް ހިމެނެއެވެ.
މި މައްސަލާގައި މީހުން
- ދަފްތަރު ރސ 9022 އުމުރުން 37 އަހަރުގެ ތޮލާލް މޫސާ
- ހދ. ކުމުންދޫ / ރަތްބަގީޗާގޭ އުމުރުން 34 އަހަރުގެ ހުޝާމް އިބްރާހިމް
- ހދ. ކުމުންދޫ / ރަތްބަގީޗާގޭ އުމުރުން 36 އަހަރުގެ އާދަމް ޝަރީފް
- ގ. ކަޅަގާރިމާގެ އުމުރުން 23 އަހަރުގެ ހުސެއިން ހައިކަލް
- ހުޅުމާލެ ފްލެޓް ނަމްބަރު 04-1-71 އުމުރުން 26 އަހަރުގެ އަހްމަދު ރިޝްފާން
މި އެންމެން ހައްޔަރުކޮށް ފުރަތަމަ ފަހަރަށް ހުޅުމާލޭ މެޖިސްޓްރޭޓް ކޯޓަށް ގެންދިޔުމުން ވަނީ ބަންދަށް ހަތްދުވަހުގެ މުއްދަތެއް ޖަހާދީފައެވެ. އެހެންނަމަވެސް އެ މުއްދަތު ހަމަވުމުން މިއަދު އަލުން ބަންދުގެ މުއްދަތު ޖަހަން ކޯޓަށް ގެންދިޔުުން މި އެންމެންވެސް ކޯޓުން ދޫކޮށްލާފައިވާކަމަށް ފުލުހުން ބުނެއެވެ.
ކާރެއްގައި މީހަކު ރަހީނުކުރި މައްސަލާައި ފުރަތަމަ ހައްޔަރުކުރީ މީހާ
ފުލުހުން ބުނީ މި އެންމެންވެގެން ކާރެއްގައި ރަހީނުކޮށް އަނިޔާކޮށްފައިވަނީ ދިވެހި ފިރިހެނަކަށެވެ. މި މައްސަލާގައި އަދި އެ މީހާއަށް އަނިޔާކޮށް އޭނާގެ އާއިލާއަށް ގުޅާ ފައިސާއަށް ޑިމާންޑުކޮށްފައިވާކަމަށް ވެސް ފުލުހުން ބުނެއެވެ.
ދާދިފަހުން މީހަކު ރަހީނުކޮށް އެމީހާގެ ބޯބާލައި އިނގިއްޔެއް ބުރިކޮށްލަން ތައްޔާރުވެފައިވަނިކޮށް ފުލުހުން ވަނީ މީހަކު ސަލާމަތްކޮށްފައެވެ. ހިޔާ ޓަވަރު އެޕާޓްމަންޓެއްގައި އެމީހާ ރަހީނުކޮށްގެން ގެންގުޅުނު މައްސަލާގައި 12 މީހަކު ވަނީ ހައްޔަރުކޮށްފައެވެ.
