އިޒްރާއީލުގެ ޕާސްޕޯޓް މަނާކުރަން ރައްޔިތުން މަޖިލިހަށް ހުށައަޅާފައިވާ ބިލްގެ މަސައްކަތް ކުރިޔަށް ނުދާތީ ގަލޮޅު އުތުރު ދާއިރާގެ އެމްޑީޕީގެ މެމްބަރުން މުހައްމަދު އިބްރާހިމް ވަނީ މިއަދު މަޖިލިހަށް ގަރާރެއް ހުށައަޅާފައެވެ.
މި ގަރާރުގެ ބަހުސްގެ މަރުހަލާގައި ވާހަކަ ދައްކަވަމުން ސައުދުﷲ ހިލްމީ ވިދާޅުވީ ދިވެހިންނަކީ ފަލަސްތީނު ރައްޔިތުންނާއި ދީނީ ގޮތުން ގުޅުން އޮތް ބައެއް ނަމަވެސް ވަށައިގެން އޮތް އަރަބި ގައުމުތަކީ އެއަށްވުރެ ގާތް ގުޅުމެއް ފަލަސްތީނާއި އޮތް މާ މުއްސަނދި ފޯރާ ބައެއްކަމަށެވެ. އެހެންކަމުން އެމީހުން ނާޅާ ފިޔަވަޅެއް ރާއްޖެއިން އަޅަންޖެހޭތޯ ސައުދު ވަނީ ސުވާލު އުފައްދަވާފައެވެ.
ސައުދު ވިދާޅުވީ މެމްބަރުން މަޖިލިހަށް ރައްޔިތުން ފޮނުވީ އެމީހުންގެ ބަސް އިއްވަންކަމަށެވެ. ސައުދު ވިދާޅުވީ އިޒްރާއިލް މީހުންނަށް ރާއްޖެ ނާދެވޭނެ ގޮތަށް ނިންމުން ރާއްޖެއަށް ކުރާނީ ފައިދާ ތޯ ނޫނީ ގެއްލުންތޯ ނިންމަންޖެހޭކަމަށެވެ.
ސައުދު ވިދާޅުވީ އިޒްރާއީލްގެ ޕާސްޕޯޓް މަނާކުރުމާއި މެދު އަދި އިތުރަށް ވިސްނަންޖެހޭކަމަށެވެ.
ފަލަސްތީނުގެ ދަރިފަސްކޮޅު ނައްތާލުމަށް އިޒްރޭލުން ހިންގަމުންދާ ގަތުލުއާންމާ ދެކޮޅު ހެދުމުގެ ގޮތުން އެގައުމުގެ ރައްޔިތުން ރާއްޖެ ވަނުން މަނާކުރަން މަޖިލިހަށް ހުށައެޅީ އިދިކޮޅު އެމްޑީޕީގެ ފަރާތުން ގަލޮޅު ދެކުނު ދާއިރާގެ މެންބަރު މީކާއިލް ނަސީމްއެވެ.
މި ބިލަށް ވަނީ އާއްމުންގެ ހިޔާލަށް ހުޅުވާލާފައެވެ.
