Advertisement

އަހަރަކަށްވުރެ ގިނަ ދުވަހުގެ މެދު ކެނޑުމަކަށް ފަހު އަންނަ ޖަނަވަރީ މަހުގެ ފަހުކޮޅު އާ ސީޒަން ފަށަން އެފްއޭއެމްގެ ނޯމަލައިޒޭޝަން ކޮމިޓީން މަސައްކަތް ކުރަމުން އަންނަނީ، ޖަނަރަވީ 24 ވަނަ ދުވަހަށެވެ.

ޖެނުއަރީ މަހު 24 ވަނަ ދުވަހު ރާއްޖޭގެ ފުޓްބޯޅަ ސީޒަން ފަށަން ޑްރާފްޓް ސީޒަން ކަލަންޑަރެއް ހަދައި، ކްލަބްތަކުގެ ހިޔާލު ހޯދަން އެފްއޭއެމުން މިހާރުވަނީ ފޮނުވާފައެވެ. އެފްއޭއެމް އިން ކްލަބްތަކަށް ފޮނުވާފައިވާ ޑްރާފްޓް ކަލަންޑަރުގައިވާ ގޮތުން، ޖެނުއަރީ 24 ވަނަ ދުވަހު ކުޅޭނީ ސީޒަން ހުޅުވުމަށް ކުޅޭ ޗެރިޓީ ޝީލްޑް މެޗެވެ. އަދި ސީޒަނުގެ ފުރަތަމަ މުބާރާތް ޕްރެޒިޑެންޓްސް ކަޕް ފަށާނީ ޖެނުއަރީ 29 ގަ އެވެ. އަދި ދިވެހި ޕްރިމިއާ ލީގު ފަށަން ޝެޑިއުލްކޮށްފައިވަނީ، ފެބްރުއަރީ 25 ވަނަ ދުވަހު އެވެ.