އެ ކޮމިޝަނުން ނެރުނު ބަޔާނެއް ބުނީ ކުލަބުގެ މާލީ ހިސާބުތަކާއި ގުޅިގެން މިހާރު ކުރަމުން ގެންދާ އޮޑިޓްގައި ކުލަބުގެ މިދިޔަ ދައުރާއި މި ދައުރުގެ ރައީސްއާ ގުޅުން ހުރި ބައެއް ކަންކަން ފާހަގަކޮށް ކޮމިޝަންގެ ސަމާލު ކަމަށް ގެނެސްފައިވާތީ އެކަމާއި ގުޅިގެން އަޅަން ޖެހޭ ފިޔަވަޅުތައް އަޅާ މައްސަލަ ބަލަމުން ގެންދާ ކަމަށެވެ.
އަދި އޭނާ، ކޮމިޝަންގައި އަދާކުރާ މަގާމުގެ ހައިސިއްޔަތުން ކުރަން ޖެހޭ ހުރިހާ މަސައްކަތްތަކުން ދުރުކޮށް ސަސްޕެންޑްކޮށް މަސްއޫލިއްޔަތުތަކުން ވެސް އެކަހެރި ކޮށްފަައިވާ ކަމަށެވެ. އޭސީސީން ބުނީ މި މުވައްޒިފަކީ ކޮމިޝަންގެ ތަހުގީގުތަކާއި ގުޅުން ހުރި އެއްވެސް މަސައްކަތެއް އެއްވެސް އިރެއްގައި ކޮށްފައިވާ މުވައްޒިފެއް ނޫން ކަމަށެވެ.
އޭސީސީގެ ރެކްރިއޭޝަން ކްލަބް ހިންގަނީ މުވައްޒަފުން އަތުން ޗަންދާ ނަގައިގެންނެވެ.
ސަސްޕެންޑް ކުރި މުވައްޒަފާ ގުޅޭ ގޮތުން ބަލަމުން ދަނީ ހިޔާނާތުގެ ކޮން މައްސަލައެއް ކަމެއް އޭސީސީގެ ބަޔާނުގަ ބުނެފައެއް ނުވެ އެވެ.
އޭސީސީގައި 2007 ވަނަ އަހަރުން ފެށިގެން މަސައްކަތް ކުރައްވަމުން ގެންދަވާ ޑެޕިއުޓީ ޑިރެކްޓަ ހަސަން މަނިކަކީ އެ ކޮމިޝަންގެ ފަރާތުން މީޑިއާ އަށް ވެސް މައުލޫމާތު ދެއްވާ ފަރާތެވެ.
