ފުލުހުން ބަނގުރާ ފުޅިތަކެއް ހިފަހައްޓައިގެން
ބަނގުރަލާއެކު ހައްޔަރު ކުރި މީހަކު ކަފާލާތުގެ ދަށުން ދޫކޮށްލައިފި
އަހުމަދު ހަސަން
23 ނޮވެންބަރ 2024 - 17:42:57
ބަނގުރަލާއެކު ހައްޔަރު ކުރި މީހަކު ކަފާލާތުގެ ދަށުން ކޯޓުން ދޫކޮށްލައިފިއެވެ.
Advertisement
ބަނގުރާ ބޭނުންކޮށް، ގެންގުޅެ އަދި އޭގެ ވިޔަފާރި ކުރާ ކަމުގެ ތުހުމަތުގައި ހައްޔަރު ކުރީ، މުހައްމަދު ނަވީ / މ. މުލިވިލާ އެވެ. އުމުރުން 32 އަހަރުގެ މި މީހާ ހައްޔަރުކޮށް ކޯޓަށް ހާޒިރުކުރުމުން، ޝަރުތުކޮށް، ކަފާލާތުގެ ދަށުން އޭނާވަނީ ދޫކޮށްލާފައެވެ.
ބަންދާ މެދު ގޮތެއް ނިންމި ރިޕޯޓުން އެނގޭ ގޮތުގައި މުހައްމަދު ނާވީ ދޫކޮށްލާފައިވަނީ ކަފާލާތުގެ ގޮތުގައި 28،800 ބެހެއްޓުމަށް ފަހުއެވެ. އޭނާ ދޫކޮށްލުމުގައި ބެލި ކަންކަމުގެ ތެރޭގައި މީގެ ކުރިން ހައްޔަރެއްކޮށްފައިވާ މީހެއް ކަމަށް ނުވުމާއި، އަދި ވަޒީފާއެއް އަދާކުރާ މީހެއް ކަމަށްވުން ހިމެނެއެވެ.
ބަނގުރަލާއެކު ހައްޔަރު ކުރި މީހަކު ކަފާލާތުގެ ދަށުން ދޫކޮށްލަން ނިންމީ ކްރިމިނަލް ކޯޓުގެ އިސްގާޒީ އާދަމް މުހައްމަދެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
